TOP
  • Home
  • Ageggwanga
  • Bakubye mutabani waabwe emiggo egimusse lwa kubba 1,000/-

Bakubye mutabani waabwe emiggo egimusse lwa kubba 1,000/-

By Vivien Nakitende

Added 21st April 2017

TAATA ne maama bavudde mu mbeera ne bakuba mutabani waabwe emiggo egimusse, nga bamulanga kubba 1,000/- okuva ku muliraano.

Omwana1 703x422

Abazadde; Ssemuleme ne Nabulya abaakubye omwana waabwe Lukman (ku ddyo) emiggo egyamusse

Hakim Ssemuleme ne Mega Nabulya abatuuze b’e Katwe II mu Ttaawo Zooni be basse mutabani waabwe Lukman Ssemuleme 8, abadde asomera ku Top Graded Nursery and Primary School e Katwe.

Kyategeezeddwa nti Lukuman Ssemuleme yeemakudde n’agenda ku taapu y’oku muliraano n’abbayo ssente 1,000/- ze baabadde basoloozezza ku bakima amazzi.

Kino kyajje Nabulya mu mbeera n’atandika okukuba mutabani we emiggo nga bw’amulaalika nti kati obubbi we bumutuusizza yeetaaga kutta bussi bamuwone.

Omwana yasoose kudduka n’agenda ewa difensi w’ekyalo Abdu Ssemambo asobole okutaasibwa era oluvannyuma yamukomezzaawo ewaabwe. Ekiro Ssemuleme yakomyewo ne bamuloopera mutabani we engeri gye yabbyeemu ssente ku muliraano.

Taata yasoose kussa mutaani we kasiiso ne balya bulungi ekyeggulo ne beebaka. Kyokka ku ssaawa 7:00 mu ttumbi, Ssemulema yazuukusizza mutabani we n’atandika okumukuba nga bw’amulaalika nti, “leero ogenda kufa.”

Difensi Semambo yategeezezza nti yabadde alawuna ekyalo ekiro n’awulira omwana alaajana ng’agamba kitaawe amuwe ku mazzi anyweko kuba yabadde afa obulumi.

Mu kiseera kino obwedda taata agenda mu maaso n’okukuba omwana era naye kwe kusalawo okutegeeza poliisi y’oku Clock Tower ebali okumpi.

Kyokka poliisi yagenze okutuuka nga taata taaliiwo n’omwana gwe yabadde akuba. Nabulya yakwatiddwa ne bamubuuza bba gye yabadde alaze awamu n’omwana gwe babadde bakuba.

Omukazi yabalagiridde e Kabowa ewa Hassan Sempijja muganda wa Ssemuleme nti gye baabadde balaze. Poliisi yabalondodde era okutuukayo nga Ssemuleme atubidde n’omulambo gwa mutabani we.

Thomas Baboiniki, akulira poliisi ya Clock Tower yategeezezza nti abazadde bombi baakwatiddwa nga maama akuumirwa ku Clock Tower ate taata baamusibidde ku poliisi y’e Katwe.

Yagambye nti abazadde baguddwaako omusango gw’obutemu era nga baakutwalibwa mu kkooti ekiseera kyonna.

More From The Author

Emboozi z’omuwandiisi endala

Emboozi endala

Kiv1 220x290

Embwa zisangiddwa nga zirwanira...

Embwa zisangiddwa nga zirwanira omulambo e Buddo

Gali0 220x290

Omukuumi w’awaka ayiiyizza eggaali...

OKUYITA mu mbeera y’ebyenfuna ekaluba buli lukya, omuntu yenna akubirizibwa okuyiiya okulaba ng’abaako ky’akola...

Bak1 220x290

Poliisi etongozza enkola y'okulwanyisa...

Poliisi etongozza enkola y'okulwanyisa obumenyi bw'amateeka e Kyengera

Pamba 220x290

Ennaku ennumidde ewa Lulume......

Nze Rose Namataka 38, nga nkola gwa kutembeeya butunda mu bitundu eby’enjawulo mu Kampala.

Ssenga1 220x290

Embaluka ewona?

Ssenga obulwadde bw’embaluka buwona butya? Nze Nyombi J e Kasese.