TOP

Gavt. eyongezza omusolo ku ddagala eriva ebweru

By Muwanga Kakooza

Added 17th July 2017

MINISITULE y’ebyobulamu erangiridde nti gavumenti eyongezza emisolo ku limu ku ddagala eriva ebweru olw’okussa mu nkola ekiragiro kya Pulezidenti Museveni eky’okutumbula ebintu ebikolebwa wano omuli n’eddagala.

Dbfszupw0aa9ap 703x422

Minisita w’eggwanga ow’ebyobulamu, Dr. Sarah Opendi  ategeezezza nti ebika by’eddagala 37 ebikolebwa wano kizuuliddwa nti biri ku mutindo era obungi bwabyo bumala bulungi n’olwekyo emisolo gy’okukebera n’okukasa ebika by'eryo ebiva ebweru byongezeddwa.

Opendi agamba nti okutandika ne August 1, ebika bino byayongezeddwa mu kampeyini ya gavumenti ey’okutumbula ebintu ebikolebwa wano.

Omusolo gw’okukebera eddagala eriva ebweru n’okulikakasa gwongezeddwa okuva ku bitundu 2 buli 100 okutuuka ku 12 buli kikumi.

Yagambye nti minisitule okufaanana n'ebitongole ebirala yalagiddwa okuyamba okutumbula ebikolebwa wano okugeza eddagala ly’ekiddukano (Oral Rehydration Salts) bye byongezeddwa era kigenda kuyamba okukendeeza ku libadde liva ebweru okujja ku katale mu Uganda.

Kyokka omusolo gw’okukebera eddagala erituweebwa abazirakisa okuva ebweru gusigadde gwa bitundu 2 buli kikumi.

Opendi agamba nti Pulezidenti yalagira Minisitule eno okuyamba abakozi b’eddagala aba wano n’abalitunda okukola emirimu.

N’agamba nti kino kigenda kuyamba abantu okufuna eddagala eriri ku mutindo era nga kino kijja kuyamba n’okufunira abavubuka emirimu  n’okuyamba eggwanga okweyimirizaawo mu by’eddagala.

Minisitule era eragidde ab’ekitongole ekivunaanyizibwa ku by’eddagala ekya ‘National Drag Authority’  okulondoola eddagala lyonna eritundibwa mu Uganda okulaba omutindo gwalyo nti mutuufu.

Mu mwaka 2017/18 ekitongole kigenda kussa ensimbi ezikunukkiriza mu buwumbi busatu mu kifo ekikebera omutindo gw’eddagala ekya ‘National Quality Control Labaratory'  okulaba ng’eddagala eritundibwa liri ku mutindo.

More From The Author

Emboozi z’omuwandiisi endala

No Matching Document

Emboozi endala

Mail 220x290

Muganda w’omubaka eyafa e Iganga...

ABAKYALA munaana be beesoweddeyo okuvuganya ku kifo ky’omubaka omukazi owa Iganga.

Nrmnabiserejenniferlynn 220x290

Aba NRM ababeera ebweru bakoze...

ABA NRM ababeera mu mawanga g’ebweru bakyusizza mu bakulembeze baabwe ne balonda ssentebe w’ettabi lyabwe e Misiri...

Unit 220x290

BUKEDDE W’OLWOKUTAANO YAFULUMYE...

Mulindwa Muwonge alese ebiragiro 6 ebikakali ebitabudde abakungubazi n’abooluganda. Bato ba Zari boogedde ekisse...

Ziika9 220x290

Mulindwa Muwonge aziikiddwa wakati...

Mulindwa Muwonge aziikiddwa wakati mu biwoobe n'okwazirana okuva mu bannamwandu, abaana n'abooluganda.

Zika3 220x290

Nnyina wa Mulindwa Muwonge ayogedde:...

Nnyina wa Mulindwa Muwonge, Maria Namagembe akungubagidde mutabani we era akumye olumbe mu makaage agasangibwa...