TOP

Abaalya ssente za Gavt' e Kayunga babakutte

By Saul Wokulira

Added 17th July 2017

ABEEWOLA ssente za gavumenti ez’abavubuka e Kayunga kyokka ne bagaana okuzisasula bakwatiddwa ne baggalirwa.

Abamukubaakwatiddwaolwokulyassentezabavubukaekifsaulwokulira1 703x422

Abamu ku baakwatiddwa nga bali ku kabangali ya Poliisi. EKIF: SAUL WOKULIRA

ABEEWOLA ssente za gavumenti ez’abavubuka e Kayunga kyokka ne bagaana okuzisasula bakwatiddwa ne baggalirwa.

Abantu bataano be baakwatiddwa okuva mu bitundu okuli; Bbaale, Galiraaya ne Kayonza era nga baakolawo ebibiina eby’enjawulo mwe beewolera ssente kyokka ne bagaana okuzisasula.

Abaakwatiddwa kuliko; Annet Mpiima eyeewola 7,440,000/-, Umar Ssegujja abanjibwa 8,480,000/-, Fred Kasozi 9,000,000/- n’abalala.

Bano baakwatiddwa mu kikwekweto ekyakulembeddwa omumyuka wa RDC e Kayunga Were, DISO wa Kayunga, Stephen Kasadha, n’akulira enteekateeka y’okuwola abavubuka ssente, Edgar Basaliza okufeffetta abo bonna abaawolebwa ssente ne bagaana okuzisasula.

Were yagambye nti ebikwekweto bikyagenda mu maaso okulaba nga abo bonna abeewola ssente z’abavubuka bazikomyawo ate ziwolebwe abantu abalala abeetegese okuzifuna.

Yagambye nti abamu ku be bayigga baabayise mu myaganya gya ngalo ne badduka wabula baakubanoonya yonna gye beekukumye bakwatibwa basasule ssente ze beewola.

Akulira enteekateeka y’okuwola abavubuka ssente zino, Edgar Basaliza yagambye nti gavumenti yawa Kayunga obukadde 600 emyaka esatu egiyise ne baziwola ebibiina by’abavubuka wabula obukadde 450 ze zikyali mu mabanja, abazeewola beebuzabuza tebannasasula.

Basaaliza agamba nti olw’okuba abeewola ssente bakyaziremedde kiremesezza n’ebibiina ebyetegese okuweebwa ssente kubanga teziriiwo.

More From The Author

Emboozi z’omuwandiisi endala

No Matching Document

Emboozi endala

Mail 220x290

Muganda w’omubaka eyafa e Iganga...

ABAKYALA munaana be beesoweddeyo okuvuganya ku kifo ky’omubaka omukazi owa Iganga.

Nrmnabiserejenniferlynn 220x290

Aba NRM ababeera ebweru bakoze...

ABA NRM ababeera mu mawanga g’ebweru bakyusizza mu bakulembeze baabwe ne balonda ssentebe w’ettabi lyabwe e Misiri...

Unit 220x290

BUKEDDE W’OLWOKUTAANO YAFULUMYE...

Mulindwa Muwonge alese ebiragiro 6 ebikakali ebitabudde abakungubazi n’abooluganda. Bato ba Zari boogedde ekisse...

Ziika9 220x290

Mulindwa Muwonge aziikiddwa wakati...

Mulindwa Muwonge aziikiddwa wakati mu biwoobe n'okwazirana okuva mu bannamwandu, abaana n'abooluganda.

Zika3 220x290

Nnyina wa Mulindwa Muwonge ayogedde:...

Nnyina wa Mulindwa Muwonge, Maria Namagembe akungubagidde mutabani we era akumye olumbe mu makaage agasangibwa...