TOP

Engeri gy’oyambala obukooti bw’abawala n’olabika bulungi

By Musasi wa Bukedde

Added 12th August 2017

OMUSONO gw’obukooti abawala bwe bambalira ku ngoye guluddewo, naye buli olukya abayiiya emisono bavumbulayo engeri ey’enjawulo gye busobola okwambalwamu.

Londa 703x422

Akakooti ak’eppeesa erimu. Ekyokubiri; Kano aka musalankwawa akambalidde ku kateeteeyi akakwata omubiri. Ekyokusatu; Akakooti nga takambaliddeeko lugoye lulala. Ekyokuna; Wano ng’ayambaliddeko jjiini ya ‘damage’.

Ensangi zino obukooti obumanyiddwa nga ‘Kemono Flow’ bwe bumu ku bwettaniddwa nga businga kwambalwa abawala abafaayo okutambula n’omulembe.

Obukooti buno businga kusuubulwa okuva mu mawanga nga China, Dubai ne Thailand era nga bukolebwa mu dizayini ez’enjawulo ezibulabisa obulungi.

Businga kwettanirwa abawala abali wakati w’emyaka 18-35, era ekimu ku birungi byabwo kwe kuba nga tebuboola sayizi ya muntu kasita ayambala akamutuuka obulungi.

Bujjira mu langi z’enjawulo, obumu buliko amapeesa mangi sso ng’obulala buliko eppeesa limu wakati.

Obukooti buno osobola okubwambalira ku buteeteeyi obumpi, empale ya jjiini, ate ng’oluusi osobola okukambala kokka nga wansi tolina ky’oyambaliddeko era n’olabika bulungi, kasita kaba nga kabikka akabina oba okutuuka ku maviivi.

Obukooti buno oluusi butungibwa nga bwa mikono miwanvu, ate obulala buba bwa mimpi oba musalankwawa.

Obukooti buno bugula wakati wa 50,000/- ne 100,000/-, okusinziira ku matiiriyo n’ekifo w’oguze.

Rema Kugonza omukugu mu by’okwambaza abantu agamba nti ‘Kemon Flow On’s’ zettaniddwa nnyo abawala abategeera ebyokwambala kubanga teziboola ngoye ng’osobola okugyambalira ku mpale ne ku buteeeteyi obukwata omubiri, n’olabika bulungi.

More From The Author

Emboozi z’omuwandiisi endala

Emboozi endala

Leka 220x290

Owapoliisi yesse lwa bwavu

OMUSERIKALE wa poliisi eyawummula, Robert Mugume asangiddwa nga yeetuze.

Kadi2 220x290

Kadaga awabudde ku bbula ly'emirimu...

SIPIIKA Rebecca Kadaga ategeezezza nti ebbula ly’emirimu mu bavubuka ky’ekimu ku bisinze bikwatagana butereevu...

Dhyljrxcaaw1zm 220x290

Museveni asisinkanye minisita wa...

MINISITA wa German ow’ensonga z’ebweru asisinkanye Pulezidenti Museveni n’asaba amawanga g’ebweru okuyamba Uganda...

Speaker703422 220x290

Kadaga ayambalidde Gavt' ku kwonoona...

SIPIIKA Rebecca Kadaga ayambalidde minisitule y’obutonde bw’ensi n’alumiriza nti tekoze kimala kussaawo kaweefube...

Gaana703422 220x290

Mutebile yeerwanyeeko ku kuggalawo...

GAVANA wa bbanka Enkulu Tumusiime Mutebile agambye nti ssi kituufu nti Bank of Uganda yayanguyiriza okweddiza Crane...