TOP

Iryn Namubiru bamukwatidde e Japan

By Musasi Wa

Added 7th May 2013

OMUYIMBI Iryn Namubiru bamukwatidde e Japan ne bamuggalira mu kifo ekyekusifu ng’entabwe eva ku biwandiiko bye.

2013 5largeimg207 may 2013 182233523 703x422

 

 

 

 

Bya JOSEPHAT SSEGUYA NE MARTIN NDIJJO


OMUYIMBI Iryn Namubiru bamukwatidde e Japan ne bamuggalira mu kifo ekyekusifu ng’entabwe eva ku biwandiiko bye.

Maneja we, Thadeus Mubiru yakakasizza Bukedde ku Lwokuna lwa wiiki ewedde nti Iryn yavudde mu Uganda n’ayolekera Japan okuyimba mu kivvulu kya Bannayuganda ekya Golden Week Holiday.

Ekivvulu kyabadde kya yen 3000 (mu za Uganda 77,320/- buli omu z’asasula okuyingira).

Akulira Bannayuganda e Japan Mw. Twibu Ssekamatte yategeezezza Bukedde eggulo ku ssimu ng’asinziira e Japan nti, baakanda kulinda Iryn banyumirwe emiziki gye nga talabikako.

Ssekamatte agamba nti wadde abaakola ku by’okumutwalayo tebaasooka kumugamba buzibu Iryn bwe yabadde afuniddeyo, baamuyise okutaasa Iryn nga bamukwatidde ku kisaawe ky’ennyonyi.

Ayongerako nti yagenze ku kisaawe kye Nakita wabula n’alemesebwa olw’ebiwandiiko bya Iryn ebiraga nti ssi Munnayuganda wabula Omufalansa.

“Nga tumaze okunnyonnyola ab’ebyokwerinda nti tunoonya muntu waffe, baakebedde mu kompyuta ne balabamu amannya ge kyokka ne batulabula nti gwe tunoonya ssi Munnayuganda wabula Mufalansa nga paasipooti ye bw’eraga n’olwekyo tatukwatako,” Ssekamatte bwe yategeezezza.

Iryn yafuna obutuuze bwa Bufalansa olwa bba Frank Morrel, gw’alinamu abaana ababiri.
Wabula baatabuka gye buvuddeko, Iryn n’atuuka n’okumyumyula engugu n’azizza ku butaka ng’e Bufalansa agendayo kulaba ku baana be.

E Japan, Iryn yatwalibwa pulomoota, Kim Ueno nga yali wa kuyimbira mu kfo ekimanyiddwa nga Yotsukaido Cultural Hall ku Lwomukaaga nga May 4, 2013.

E Japan Iryn yali waakugenda n’abayimbi abalala okuli Dr. Hilderman ne King Michael kyokka tebaagenze. King Michael yatutegeezezza nti waliwo bye batakkaanyaako ne pulomoota, bbo kwe kusigala.

Omu ku bayimbi Bannayuganda ababaddeko e Japan yategeezezza nti Iryn yandiba nga yeeyise omulambuzi kyokka n’alemererwa okulaga wooteeri mw’agenda okusula nga kino kye kiyinza okuba nga kyamukwasizza ng’ate ebimu ku biwandiiki bye biraga nti agenze kuyimba.


 

Iryn Namubiru bamukwatidde e Japan

More From The Author

Emboozi z’omuwandiisi endala

Emboozi endala

Mass1 220x290

Embaga eyekikungo ku Miracle Center...

Pr. Robert Kayanja agasse emigogo gy'abagole mukaaga ku kkanisa ya Miracle Center Cathedral e Lubaga

Wesley1 220x290

Mumbere: Ekkomera kitaawe gye yafiira...

W’osomera bino nga Mumbere atemeza mabega wa mitayimbwa, mu kkomera e Kirinnya- Jinja gy’ali ku limanda ku musango...

Katozigoti1 220x290

Abakulembeze bakungubagidde Kato...

Esther Ndyanabo Meeya wa Mityana Munisipalite yategeezezza nti Zigoti y’omu ku bantu abazimbye Mityana Munisipaali...

Sebatta 220x290

Kkooti eragidde Fred Ssebatta asasule...

Baagenda mu kkooti nga 29 November, 2016 era n’eragira Sebatta asasule obukadde 35 mu bwangu.

Mamafinakiggundu1 220x290

Ekika ky’emmundu eyasse bba wa...

Poliisi ezudde obujulizi ku bantu musanvu abateeberezebwa okwenyigira mu ttemu lino ssaako n’ebika by’emmundu ze...