TOP

Bakutte Crime Preventer asaba abatuuze ssente

By Rogers Kibirige

Added 12th August 2017

ABATUUZE b’e Nansana mu West I Zooni bataayizza omukwanaganya w’aba ‘Crime preventer’ ne bamuggalira mu nju y’omutuuze gwe yabadde atiisatiisa okukwata ssinga tamuwa ssente.

Saba1 703x422

Nsamba (ku ddyo) gwe baakwatidde mu nju ya Musoke ng’abadde atiisatiisa okumukwata.

William Nsamba omukwanaganya wa ba ‘Crime preventer’ ku poliisi y’e Nansana ye yataayiziddwa abatuuze bwe yabadde agenze mu maka ga Fayizo Musoke gwe yabadde atiisizza okukwata.

Ku Lwokuna Nsamba yakedde mu maka ga Musoke n’amutegeeza nga bw’amunoonyerezaako ku musango gw’okubeera n’emmundu era n’amulagira nti obutamukwata, aggyeko essimu ze zonna azisuule mu kaabuyonjo olwo amuwe ssente amuleke.

Musoke yakubidde omumyuka wa ssentebe wa LC I, Oliver Musisi eyagenzeeyo.

Kyokka naye Nsamba yamutiisizza n’asalawo okumuyitira poliisi n’emukwata.

Musoke yannyonnyodde nti wiiki bbiri emabega, poliisi yakwata omu ku bavubuka abaamuguza ebyuma ebikadde (Scrap) kyokka yalabye tayimbulwa, kwe kugenda ku poliisi y’e Wakiso okumuggyayo. Eno bwe yatuuseeyo, baamukutte ne bamuggalira.

Yakubidde owa LC I y’ekitundu gy’abeera, Oliver Musisi eyazze n’amuggyayo ku Lwokusatu. Agattako nti, oluvannyuma waliwo abantu abaamukubidde essimu ne bamugamba nti, owa poliisi SP Hillary amunoonya.

Wabula Hillary bwe yategedde nti Musisi ayingidde mu nsonga za Musoke, yakubidde Musisi n’amutiisatiisa.

Musoke yategeezezza nti bwe yamala okukwatibwa, Nsamba ne Hillary baagenda ku poliisi y’e Wakiso ne bamweyanjulira ng’abakungu ba poliisi abavudde e Naggulu era ne bamusaba emitwalo 50 okumuyamba ayimbulwe n’abawaako emitwalo 30 ze yasindika ku ssimu ya Nsamba.

Hillary yagenze ku poliisi y’e Nansana n’atabukira Musoke ng’ayagala kumukuba.

Yalabye abaserikale bajja n’adduka. Oluvannyuma Musisi ne Fayizo ensonga baazongeddeyo ku kitebe kya poliisi ekikwasisa empisa ekya PSU e Naggulu.

More From The Author

Emboozi z’omuwandiisi endala

No Matching Document

Emboozi endala

Ge1 220x290

Abakima amazzi ku ddaamu ya Ssekabaka...

Abakima amazzi ku ddaamu ya Ssekabaka e Mawogola bibasobedde

Ha1 220x290

Omubaka wa Pulezidenti e Masaka...

Omubaka wa Pulezidenti e Masaka alabudde abakola enguudo e Masaka

Hi1 220x290

Abatuuze bavudde mu mbeera ne balumba...

Abatuuze bavudde mu mbeera ne balumba Poliisi Y'e Mpigi

Kcca 220x290

KCCA ekendeezezza ku masannyalaze...

KCCA eyongedde okubunyisa ebitaala by'amaanyi g'enjuba ku nguudo n'eva ku bibadde bikozesa amasannyalaze ga UMEME...

Kiv1 220x290

Embwa zisangiddwa nga zirwanira...

Embwa zisangiddwa nga zirwanira omulambo e Buddo