TOP

Ab’e Bwaise basomesa abawala okukola paadi

By GODFREY LUKANGA

Added 20th April 2017

ABAKYALA b'e Bwaise mu munisipaali y'e Kawempe bayiiyizza paadi ezisobola okukozesebwa abawala okumala omwaka mulamba ssinga zirabirirwa bulungi ekinaabakuumira mu masomero.

Paadi1 703x422

A bakyala nga balaga paadi eziwedde okukola.

Bya GODFREY LUKANGA

ABAKYALA b'e Bwaise mu munisipaali y'e Kawempe bayiiyizza paadi ezisobola okukozesebwa abawala okumala omwaka mulamba ssinga zirabirirwa bulungi ekinaabakuumira mu masomero.

Saluwa Nabuule, mmemba w'ekibiina ky'abakyala ekya Tusitukirewamu Group agamba nti embeera y'ebyenfuna by’abantu mu Bwaise y’ebawalirizza okutandika okukola paadi ennyangu okukozesa abawala n'abakyala abatalina busobozi bwa kugula eziri ku buseere ezikozesebwa olumu n’osuula.

ENKOLA YA PAADI ZINO

Nabuule annyonnyola nti, ku bye bakozesa mulimu ppamba gwe bagula mu bulwaliro n’amaduuka agatunda eddagala ku ssente z'obeera nazo kuba atandikira ku 3,000/- ng'ono avaamu paadi eziri wakati wa 20 ne 25.

Goozi naye bamugula mu bifo bye bimu nga naye atandikira ku 3,000/- ng'ono akozesebwa ku paadi nnyingiko kuba agenda kitono. Engoye eza ppamba agonda bazigula mu katale ka St. Balikuddembe nga kisinziira ku ssente z'obeera nazo.

Oyinza okugula olwa 2,000/- n'osalamu ebiwero ebikola paadi eziri wakati wa 15 ne 18 kuba babutungira mu maaso n'emabega wa paadi.

Ekidondi kya wuzi n'empiso bigula 500/-.

Akaveera akakozesebwa nako okagula ku bulwaliro buno nga katandikira ku 5,000/-, naye kano kakozesebwa ku paadi ezisukka mu 30 kuba nako kagenda kitono. Mu buli paadi muteekebwamu kamu.

l Sala obutundu bwa ppamba ne goozi mu sayizi entonotono n'akagoye ka ppamba akagonvu mu bipimo eby'ekigero. l Bw’oba ozinga paadi osooka ppamba asaliddwa n’omuzinga mu kitundu kya goozi gw'osaze obulungi.

Goozi n'akaveera biyamba okukwata omusaayi ne gutayitamu. l Bw’omaliriza, teeka akawero k'olugoye lwa ppamba agonda wansi oteekeko akaveera ke wasaze, zzaako ppamba gwe wazinze mu goozi osembyeyo akawero akalala akakoleddwa mu ppamba agonda kungulu awo otandike okutunga paadi n'empiso ey'engalo.

Ku paadi batungirako obuwuzi obutono obukozesebwa okusiba paadi ku mpale.

Akulira ekibiina kino, Florence Masuliya agamba nti batandise okutalaaga mu masomero nga bayigiriza abawala okuzeekolera nga batungisa empiso ez'engalo kuba amaka mwe bava tegaliimu by'alaani ate nnyangu okwekolera nga bakozesa ssente entono.

ENDABIRIRA YAAZO

Paadi zino okwawukanako n'eza bulijjo, bwe bamala okuzikozesa bazooza n'amazzi amabisi n'oluvannyuma ne bazinyumunguza mu mazzi agalimu omunnyo omutono okutta obuwuka.

Omuwala kimwetaagisa okubeera ne paadi mukaaga kuba buli lunnaku abeera alina kukosesa waakiri ssatu olwo bw'azooza n'aleka ng'azaanise mu musana okukala obulungi kuba bw'azambala nga tezikaze zizaala obuwuka obumulwaza.

More From The Author

Emboozi z’omuwandiisi endala

Emboozi endala

Cfhhsjxsaayhka 220x290

Kiprotich awangudde omudaali gwa...

Munnayuganda Stephen Kiprotich akutte kyakubiri n'awangula omudaali gwa feeza mu mbiro z'okutolontoka ebyalo eza...

Teeka1 220x290

Kazibwe Kapo ‘Ow’emmundu ku ggombolola’...

Kazibwe Kapo ‘Ow’emmundu ku ggombolola’ by’ayimba tabissa mu nkola? : Yasuubizza abakazi 2 embaga omuli ne nkubakyeyo...

Kusaba1 220x290

Aba Victory Christian Centre, Bujingo...

AB'EKKANISA ya Victory Christian Centre, abaakuza Bujingo n'okumuteekateeka okufuuka omusumba bavumiridde enneeyisa...

Save1 220x290

Abasumba batadde akazito ku Paasita...

Paasita Aloysious Bujingo owa House of Prayer Ministries e Makerere Kikoni bamunoonyerezaako ku bya Bayibuli ezookebwa....

United1 220x290

Bano 13 abavunaaniddwa be batta...

KU basajja 13 abaaleeteddwa mu kkooti ne basomerwa omusango gw’okutta Kaweesi kuliko bana ababadde babeera ennyo...