TOP

Kati ntunuulidde za Confederations Cup - Mutebi

By Musasi wa Bukedde

Added 20th March 2017

Kati ntunuulidde za Confederations Cup - Mutebi

Mu1 703x422

Mike Mutebi

OMUTENDESI wa KCCA, Mike Mutebi agumizza abawagizi ba ttiimu eno nti wadde baawanduse mu CAF Champions League, tebaggwaamu maanyi agenda kuwangula ttiimu gye banaagwako kw’ezo ezaayiseewo mu CAF Confederations Cup.

Ku Lwomukaaga, KCCA yalemaganye ne Mamelodi eya Denis Onyango (1-1) e Lugogo n’ewandukira ku mugatte gwa (3-2) kyokka Mutebi agamba nti ekyo kyawedde kati atunuulidde kutwala ttiimu mu bibinja bya Confederations Cup kuba si kizibu.

Amateeka ga CAF gagamba nti ttiimu ewandukidde ku luzannya olusembayo okugenda mu kibinja kya CAF Champions League, ettunka n’ewangudde ogusembayo mu Confederations Cup okulabako eyeesogga ekibinja kya Confederations Cup. “Mamelodi okutukuba tekitegeeza nti twavudde mu mpaka.

Kati ekyo kyawedde obwanga tubwolekezza Confederations Cup era ttiimu gye batuwa yonna ejja kutuwuliramu kuba ekigendererwa kyaffe kikyali kya kugenda mu bibinja,” Mutebi bwe yategeezezza.

Emipiira gino gyakubeerawo wakati wa April 7 ne 9 era akalulu kasuubirwa kukwatibwa wiiki eno nga KCCA y’erina okusooka okukyaza. Ttiimu KCCA z’eyinza okusanga; JS Kabylie, MC Alger (Algeria), Recreativo do Libolo (Angola), Al- Masry, Smouha (Misiri), IR Tanger, MAS Fez (Morocco), Rayon Sports (Rwanda), Platinum Stars (South Africa), Club Africain, Sfaxien (Tunisia) ne ZESCO Utd (Zambia).

Ttiimu okuli; SuperSport (South Afrika), Azam (Tanzania), ASEC Mimosas (Ivory Coast) ne SM Sanga Balende DR ezaazannye eggulo zaawangule emipiira agyazo egyasooka.

TTIIMU ZA UGANDA EZIZZE ZIWANDUKIRA mu maAnyi; Mu 2014, KCCA yalemagana ne Nkana (2-2) ku bugenyi kyokka mu gw’okudding’ana e Namboole ne bagikuba (2-1) n’ewanduka.

Mu 1995, Express bwe yagenda e South Afrika, Orlando Pirates n’egikuba (1-0) n’ekomawo ng’erowooza nti egenda kuwangula ogw’okudding’ana wabula gwalemagana 1-1 Express n’ewanduka.

Mu 2003, Villa yakuba Atletico Aviacao mu Angola (2-1), mu gw’okudding’ana nga Villa eyagala maliri e Namboole, wabula baagikuba (2-0) n’ewanduka

More From The Author

Emboozi z’omuwandiisi endala

Emboozi endala

Zika3 220x290

Nnyina wa Mulindwa Muwonge ayogedde:...

Nnyina wa Mulindwa Muwonge, Maria Namagembe akungubagidde mutabani we era akumye olumbe mu makaage agasangibwa...

Si 220x290

Minisitule etongozza akuuma akakebera...

MU kaweefube wa Gavumenti ne minisitule y’ebyobulamu okulwanyisa obulwadde bwa mukenenya mu ggwanga, Gavumenti...

Mao1 220x290

Poliisi yezoobye n'aba DP: Mao...

Pulezidenti wa DP, Nobert Mao bamuggalidde.

Bre 220x290

Eyakubwa poliisi amasasi mu kwekalakaasa...

KYADDAAKI omukazi eyakubwa poliisi amasasi mu kwekalakaasa kwa ‘Walk to Work’ e Kajjansi afunye ku ssanyu kkooti...

Dfgkithwsaqxwrojpglarge 220x290

Aboogera ku by'ekkomo ku myaka...

PULEZIDENTI Museveni ayanukudde abagamba nti ayagala kukyusa Ssemateeka w’eggwanga aggye ekkomo ku myaka 75, n’ategeeza...