TOP

Ebyobufuzi bya FUFA byolekedde okuziika Villa

By Musasi wa Bukedde

Added 20th April 2017

OMUPIIRA gwa Uganda gazzeemu ensasagge, Denis Mbidde, omu ku bamyuka Moses Magogo (pulezidenti wa FUFA), bwe yagambye nti kiraabu zigula emipiira ekiyinza okuttattana omutindo gw’omupiira!

Yaga1 703x422

Mbidde, omu ku bakungu abakulidde mu mupiira, yagambye nti kiraabu okugula emipiira ziyita mu bamu ku baddiifiri n'alabula nti singa tekinogerwa ddagala omupiira gwakusereba.

Abawagizi ba Villa bangi baavuddeyo ne banenya Mbidde, gwe baasindika mu FUFA okubakiikirira era n’aweebwa okumyuka pulezidenti wa FUFA avunaanyizibwa ku liigi, okulumiriza ttiimu yaabwe n'endala, okugula emipiira!

Mu nsi yonna, abawagizi tebaagala bantu bavaayo ne boogerera bubi kiraabu zaabwe kubanga baziwagira kufuna ssanyu.

Naye tusaanye tumanye enjawulo wakati w’abawagizi n’abakungu. Abawagizi bwe boogera obubi ku kiraabu, kikoma awo naye abakungu ku bakungu, ensonga eba erina okukwatibwa n’obwegendereza, esalirwe amagezi.

Nkimanyi nti Mbidde ayagala kuvuganya ku ntebe ennene eya SC Villa omwaka ogujja era abasinga balowooza nti eno y’ensonga lwaki atandise okulaga obunafu bwa Ben Misagga, afubye okuzza Villa ku maapu.

Abagoberera ensonga za Villa mujjukira nti Mbidde ne Mohammad Bazirengedde bakkaanya ne Misagga era ye (Mbidde) n'asindikibwa mu FUFA ate Bazirengedde n’aweebwa obumyuka bwa Misagga okutuusa lwe yamugoba.

Buli ebyobufuzi bya FUFA lwe bituuka, ensonga nnyingi zitandika okuvaayo era Villa nga kiraabu esaanye yeenyweze kubanga waliwo abalowooza nti Misagga waakwesimba ku Magogo.

Ekirala, kiki ekigaanyi Mbidde okukomawo mu FUFA ng'ate alina obusobozi? Lawrence Mulindwa bwe yalaga omusika we (Magogo), abamu balowooza nti ne Magogo ajja kukola kye kimu ng'awangudde okulonda okujja, kye sisuubira kubanga pulezidenti wa FIFA, Infantino yamusuubiza obuwagizi naye bwe yamulaga n'ajeemera CAF.

Akulira emirimu mu FUFA, Edgar Watson asaanye aveeyo agatte abakungu abasatu; Magogo, Misagga ne Mbidde kuba bonna bawagizi ba Villa.

Magogo naye asaanye akimanye nti olw'okuba Mulindwa teyavuganyizibwa emirundi ebiri, naye tajja kuvuganyizibwa. Magogo okulaga nti ayagala nnyo KCCA FC okusinga Villa, makwekansaamu ga byabufuzi.

Akulira FUFA ayagala kiraabu zonna kyenkanyi. Kiraabu bwe zinaabeeramu ebyobufuzi bya FUFA, zaakusigala ku ttaka!

kateregaya@yahoo.com 0701077016

More From The Author

Emboozi z’omuwandiisi endala

Emboozi endala

Cfhhsjxsaayhka 220x290

Kiprotich awangudde omudaali gwa...

Munnayuganda Stephen Kiprotich akutte kyakubiri n'awangula omudaali gwa feeza mu mbiro z'okutolontoka ebyalo eza...

Teeka1 220x290

Kazibwe Kapo ‘Ow’emmundu ku ggombolola’...

Kazibwe Kapo ‘Ow’emmundu ku ggombolola’ by’ayimba tabissa mu nkola? : Yasuubizza abakazi 2 embaga omuli ne nkubakyeyo...

Kusaba1 220x290

Aba Victory Christian Centre, Bujingo...

AB'EKKANISA ya Victory Christian Centre, abaakuza Bujingo n'okumuteekateeka okufuuka omusumba bavumiridde enneeyisa...

Save1 220x290

Abasumba batadde akazito ku Paasita...

Paasita Aloysious Bujingo owa House of Prayer Ministries e Makerere Kikoni bamunoonyerezaako ku bya Bayibuli ezookebwa....

United1 220x290

Bano 13 abavunaaniddwa be batta...

KU basajja 13 abaaleeteddwa mu kkooti ne basomerwa omusango gw’okutta Kaweesi kuliko bana ababadde babeera ennyo...