TOP

Vipers egobye 10 lwa mutindo

By Musasi wa Bukedde

Added 15th July 2017

OMUZUNGU wa Vipers, Miguel Da Costa akutte olweyo n’agoba abazannyi 10 nti omutindo gwabwe tegusaana kubeera mu ttiimu erwanira bikopo.

Viperscoach703422 703x422

Miguel Da Costa , omutendesi wa Vipers ng'afalaasira Sserumaga

Miguel, eyeegatta ku ttiimu eno mu makkati ga sizoni ewedde n’emalira mu kyokusatu mu liigi, agamba nti sizoni eno ayagala ebikopo bibiri (liigi ne Uganda Cup) ng’okukituukiriza alina okuba n’abazannyi abamanyi kye bakola.

Abaagobeddwa kuliko, John Semazzi ne Patrick Ssembuya, ababadde ku looni mu Kirinya Jinja SS ne BIDCO, ne Yusufu Mukisa abadde yayazikibwa mu Proline.

Bonsatule endagaano zaabwe ne zaaweddeko, Miguel n’agaana okuzizza obuggya.

Abazannyi musanvu Miguel yalagidde bagende ku looni nga bano ye; Ibrahim Kayiwa, Brian Kakaire, Alfred Aleku ne Aggrey Madoi. Joseph Semujju (Express), Bashir Mutanda (Kirinya Jinja) ne Moses Batali (JMC) baalagiddwa okusigala mu ttiimu zino ku looni nga bwe balwana okulinnyisa omutindo.

Express eyagala Aleku ne Kayiwa ate UPDF (ebadde Saints) efiira ku Aleku ne Kakaire).

Madoi agenda mu Police etendekebwa Abdallah Mubiru. Miguel, enzaalwa y’e Portugal, yaguze Layo Lutimba okuva mu Express, Tadeo Lwanga (SC Villa), Tom Masiko (KCCA) ne Steve Mukwala okuva mu ttiimu y’Essaza lya Ssingo.

Yatenderezza Lwanga ne Lutimba nti ‘ttaaci’ gye baamulaze mu kutendekebwa okusooka ya mutindo.

More From The Author

Emboozi z’omuwandiisi endala

Emboozi endala

Mail 220x290

Muganda w’omubaka eyafa e Iganga...

ABAKYALA munaana be beesoweddeyo okuvuganya ku kifo ky’omubaka omukazi owa Iganga.

Nrmnabiserejenniferlynn 220x290

Aba NRM ababeera ebweru bakoze...

ABA NRM ababeera mu mawanga g’ebweru bakyusizza mu bakulembeze baabwe ne balonda ssentebe w’ettabi lyabwe e Misiri...

Unit 220x290

BUKEDDE W’OLWOKUTAANO YAFULUMYE...

Mulindwa Muwonge alese ebiragiro 6 ebikakali ebitabudde abakungubazi n’abooluganda. Bato ba Zari boogedde ekisse...

Ziika9 220x290

Mulindwa Muwonge aziikiddwa wakati...

Mulindwa Muwonge aziikiddwa wakati mu biwoobe n'okwazirana okuva mu bannamwandu, abaana n'abooluganda.

Zika3 220x290

Nnyina wa Mulindwa Muwonge ayogedde:...

Nnyina wa Mulindwa Muwonge, Maria Namagembe akungubagidde mutabani we era akumye olumbe mu makaage agasangibwa...