TOP
  • Home
  • Ebyobulimi
  • Buli kyalo e Bukunja kyakuweebwa emmundu 5 okukuuma Vanilla

Buli kyalo e Bukunja kyakuweebwa emmundu 5 okukuuma Vanilla

By Musasi wa Bukedde

Added 31st July 2017

ABAKULEMBEZE mu disitulikiti ye Buikwe bawabudde ku bakuumi abataano ku buli kyalo ab’okuweebwa emmundu okukuuma vanilla, baleme kubeera abo abatalina mirimu na by’akukola wabula abalimi ba vanilla bennyini

Vanilla1 703x422

Vanilla kati bamukuuma na mmundu e Buikwe.

Bya Paddy Nsobya

ABAKULEMBEZE mu disitulikiti ye Buikwe bawabudde ku bakuumi abataano ku buli kyalo ab’okuweebwa emmundu okukuuma vanilla, baleme kubeera abo abatalina mirimu na by’akukola wabula abalimi ba vanilla bennyini.

Abakulembeze era baasabye abalimi b’ebikajjo ne vanilla bakomye okutereka ssente ennyingi mu busuwa ne mu nsuku wabula mu bbanka entongole kiyambe okunyweza ebyokwerinda.

Bino byabadde mu lukiiko lw’abalimi ba vanilla n’abakulembeze ku magombolola n’ebyalo olwategekeddwa aba Uganda Vanilla e Lubongo mu ggombolola y’e Ngogwe okuteesa ku by’okunyweza ebyokwerinda mu magombolola gonna agalima vanilla.

Ssentebe wa disitulikiti y’e Buikwe, Mathias Kigongo yagambye nti musanyusu olwa gavumenti n’eggye lya UPDF okweyama okuwa ekitundu kino obukuumi kyokka n’asaba abagenda okusunsula abavubuka abataano ku buli kyalo enkizo bagiwe abo abalima vanilla.

Ggombolola y’e Ngogwe erimu ebyalo 73, yaakufuna emmundu nnyingi ekyawalirizza Kigongo okuteesa nti kisaana abakuumi bano babeere n'akakwate ku vanilla gwe bakuuma.

Kigongo yagambye nti disitulikiti n’abakulira eby’obulimi bagenda kusomesa abalimi ku bya bbanka n’okubakunga okukomya okutereka ensimbi ennyingi mu mayumba.

Ssentebe wa ggombolola ye Ngogwe, James Mbalule yasabye abalimi abafunye ensimbi kyokka nga tebalina ttaka lyabwe beegule bafune ebyapa, ate abatasobola kwegula bawe busuulu eri bannanyini ttaka.

Umaru Kityo, akulira eby’okusomesa vanilla mu kitundu kino, yagambye nti mu kiseera kino abalimi ba vanilla basaanye okutandikawo ekibiina ky’obwegassi (Cooperative Union) ekinene ekibagatta mwe basobola okutereka ensimbi zaabwe, okwewola, n’okukola eddoboozi ery’awamu ku nsonga zonna ezibaluma.

Kityo yeebazizza abalimi abafunye ensimbi mu vanilla ne bazikolamu bizinensi endala okusitula enkulaakulana.

More From The Author

Emboozi z’omuwandiisi endala

Emboozi endala

Leka 220x290

Owapoliisi yesse lwa bwavu

OMUSERIKALE wa poliisi eyawummula, Robert Mugume asangiddwa nga yeetuze.

Kadi2 220x290

Kadaga awabudde ku bbula ly'emirimu...

SIPIIKA Rebecca Kadaga ategeezezza nti ebbula ly’emirimu mu bavubuka ky’ekimu ku bisinze bikwatagana butereevu...

Dhyljrxcaaw1zm 220x290

Museveni asisinkanye minisita wa...

MINISITA wa German ow’ensonga z’ebweru asisinkanye Pulezidenti Museveni n’asaba amawanga g’ebweru okuyamba Uganda...

Speaker703422 220x290

Kadaga ayambalidde Gavt' ku kwonoona...

SIPIIKA Rebecca Kadaga ayambalidde minisitule y’obutonde bw’ensi n’alumiriza nti tekoze kimala kussaawo kaweefube...

Gaana703422 220x290

Mutebile yeerwanyeeko ku kuggalawo...

GAVANA wa bbanka Enkulu Tumusiime Mutebile agambye nti ssi kituufu nti Bank of Uganda yayanguyiriza okweddiza Crane...