TOP
  • Home
  • Kasababecca
  • Don Zella akatemye eyali muninkini we Big Eye: 'Omwana gw'okaayanira si wuwo, wa musajja mulala'

Don Zella akatemye eyali muninkini we Big Eye: 'Omwana gw'okaayanira si wuwo, wa musajja mulala'

By Martin Ndijjo

Added 19th May 2017

Olutalo lw’okulwanira omwana wakati w’omuyimbi Big Eye n’eyali mukazi we Sheila Patience (Don Zella) lulinnye enkandaggo.

Zella2 703x422

Don Zella ku ddyo ne Big Eye. Wakati ye satifikeeti eraga obuzaale bw'omwana Big Eye gw'akaayanira nti wuwe

Big Eye atabukidde Don Zella ng’ayagala amuwe mutabani we Britton Mayanja ow’emyaka ena (4) Kyokka  Don Zella n'amuddiza omuliro bw'akamutemye nti omwana gw’ayita owuwe wa musajja mulala.

Kino kiddiridde Big Eye okuvaayo ku Lwokubiri n'assa obubaka ku mukutu gwe ogwa 'Facebook' ng’ayoozayoza mutabani we okuweza emyaka 4 n'agattako obubaka obulaga nga bw'atali mumativu olw’engeri Don Zella gy’amuyisaamu ku mwana, tayagala amulabeko wadde okwogera naye nti kyokka kino tekigenda kumulemesa kwagala mutabani we kubanga mwana we bwoya era musaayi gwe.

Obubaka buno busaanudde Don Zella n'atuuka n’okulangira Big Eye nga bw'atalina buvunaanyizibwa, yeeyita taata w’omwana naye nga talina kye yali amuwadde okuggyako okukola ogw’obutayisa sikaati n’okuganza buli bawala abamusala mu kkubo omuli ne bankubakyeyo.

Don Zella agamba nti omwana yamugabira bba Omumerika kubanga y'abadde amulabira ebbanga lyonna ate ng'amwagala kyenkanyi ng’abaana be abalala.

Okukakasa by'ayogera, Don Zella yatadde ku mukutu gwe ogwa Face book ebbaluwa eraga obuzaale bw’omwana ng’eri mu mannya ga Britton Diamond Juntunen era ng'eraga Omumerika James Matthew Juntunen nga kitaawe so ssi Big Eye.

Mu kiseera kino omwana ali ne nnyina mu Amerika ate Big Eye gye buvuddeko yafuna nkubakyeyo Debbie Lavis kati gw'apepeeya naye.

More From The Author

Emboozi z’omuwandiisi endala

Emboozi endala

Kuwuliziganya 220x290

By’olina okukola okuwuliziganya...

OKUWULIZIGANYA mu kaboozi y’engeri emibiri gy’abaagalana gye gikwataganamu naye kino okukitegeera oba olina okuba...

Ivannamirembendijjo19 220x290

Ssemwanga aweerezza Buganda n'omutima...

Charles Bwenvu, minisita wa Kabaka omubeezi ow’ensonga za Buganda ebweru, yategeezezza nti Ssemwanga yawaako Obwakabaka...

Zadde3 220x290

Entaana ya Ssemwanga ewedde okuyooyootebwa:...

Ekiri e Kayunga: Entaana ya Ssemwanga ewedde okuyooyootebwa, abakungubazi bakyesomba okwetaba mu kuziika

Kayungadorahnajjembamukiragalanessengawassemwangacissynakiwalangabakaaba 220x290

Ebyabaddewo ng'omulambo gwa Ssemwanga...

Ebyabaddewo ng'omulambo gwa Ssemwanga gutuusibwa ku biggya e Kayunga: Biwoobe

Pala 220x290

Ebyobugagga bya Ssemwanga biwuniikirizza...

Rashid Nsimbe, avunaanyizibwa ku mutindo gw’ebisomesebwa mu masomero ga Ssemwanga, yategeezezza nti mu byobugagga...