TOP
  • Home
  • Ssenga
  • Omukazi buli lwe tutabuka ng’ansibisa

Omukazi buli lwe tutabuka ng’ansibisa

By Musasi wa Bukedde

Added 16th March 2017

NZE Dalton Byakatonda mbeera Namere, Mpereerwe. Tumaze ne mukyala wange emyaka esatu mu bufumbo nga twagalana mu maka gaffe agasangibwa e Mpereerwe.

Bala 703x422

Okumufuna yali abeera kumpi n’ennyumba gye nali mpangisaako ne tusiimagana. Endabika ye kye kimu ku bintu ebyasinga okuntengula omutima kuba yali anyirira okukira ekinya.

Olwo twali mu 2014. Twamala naye akaseera katono ne mufunyisa olubuto ekyampaliriza okumutwala mu maka gange afumbe. Entandikwa yaffe yali nnungi kuba buli kimu kyali kitambula bulungi.

Wabula embeera za mukazi wange zaagenda zikyuuka nga takyategerekeka.

Nga wayise akabanga, yatandika okuyomba buli kiseera. Ne ndowooza nti osanga ayomba kuba ali lubuto kale ne nsooka nkigumira.

Lumu yantabukira nga nange mpulira nneekyaye era ensonga zaasibira ku poliisi y’e Mulago.

Yanzigulako emisango egitali gimu omuli n’ogwokumukuba. Banyingiza akaduukulu ne bansiba okumala olunaku lulamba okutuusa bwe nafuna abanneeyimirira ne nsobola okuvaayo.

Omulundi ogwaddako, yakomawo awaka matumbibudde era yansanga nneebase.

Olwali okuyingira mu nnyumba yatandikirawo kunzigulako lutalo era ekyaddirira kwali kulwanagana naye. Enkeera yaddukira ku poliisi e Namere okunzigulako emisango era ne bansiba.

Gye buvuddeko, yatumbudde ttivvi mu budde bw’ekiro ng’alina by’alaba. Mu butuufu otulo twambuze ne nsalawo okugyako ttivvi tusobole okufuna ku tulo.

Omukazi yanziguddeko olutalo era ne tulwana ekiro ekyo. Bwe bwakedde ku makya yaddukidde ku poliisi y’e Kanyanya.

Waayiseewo akaseera katono abaserikale ne bajja ne bankwata nga banvunaana emisango egy’enjawulo.

Mpulira nkooye okunsibya era nkooye n’obufumbo bw’obunkenke n’okumalako emirembe.

Eby’embi ewaabwe simanyiiyo wadde okumanya abantu be waakiri nandimukutte ne mutwala ewaabwe ne nfuna ku ssanyu. Bannange simanyi kyakukola.

More From The Author

Emboozi z’omuwandiisi endala

Emboozi endala

Yaga 220x290

Omusajja ayagala kunzigyako mwana...

NZE Uwineza Adiah nnina emyaka 26 nga mbeera Lubaga. Okuva lwe nafuna olubuto, baze yagaana okuddamu okundabirira...

Ssenga1 220x290

Nina bulwadde ki?

NINA emyaka 25 naye seegattangako na mukazi yenna kuba buli lwe ngezaako okwegatta nkoma ku mulyango ne njiwa....

Leka 220x290

Owapoliisi yesse lwa bwavu

OMUSERIKALE wa poliisi eyawummula, Robert Mugume asangiddwa nga yeetuze.

Kadi2 220x290

Kadaga awabudde ku bbula ly'emirimu...

SIPIIKA Rebecca Kadaga ategeezezza nti ebbula ly’emirimu mu bavubuka ky’ekimu ku bisinze bikwatagana butereevu...

Dhyljrxcaaw1zm 220x290

Museveni asisinkanye minisita wa...

MINISITA wa German ow’ensonga z’ebweru asisinkanye Pulezidenti Museveni n’asaba amawanga g’ebweru okuyamba Uganda...