TOP

Weesiige lipusitiiki agendera ku nkula y’emimwa gyo

By Musasi wa Bukedde

Added 13th March 2017

ABAWALA bangi ensangi zino beesiiga lipusitiiki n’ebigendererwa ebyenjawulo.

B4cfb9021908d14e0916748787bf65e0 703x422

Abamu bamwesiiga basobole okwongera ku ndabika yaabwe, ate abalala bamwesiiga okufaanana bannaabwe kyokka ne batamanya nti oluusi lipusitiiki okukunyumira kiva ku nkula ya mimwa gyo.

1 Ow’emimwa eminene siiga lipusitiiki atali mukwafu nnyo ate nga langi zitangaala. Engeri emimwa gyo gye giba girabika amangu kubanga omuntu kw’atuukiza amaaso, bw’onoogisiiga langi enkwafu gijja kwongera okulabika nga minene. Weesiige langi omuli ppinka ow’amazzi, emmyuukirivu, ate bw’oba weesiiga fuba okulaba nga tasaasaana ku mimwa gyonna.

2 Owemimwa emitono siiga lipusitiiki nga mukwafu nnyo ate omukomole bulungi ng’oyisaako ekkalaamu okulaga emimwa we gikoma. Kino kiyamba emimwa okwongera okugejjamu. Bw’osiigako lipusitiiki atalabika ojja kufaanana atalina ky’asiizeeko. Siiga langi emmyuufu ennyo, kakobe ne ppinka omukwafu.

3 Owemimwa emisongovu ojja kunyuma ssinga langi esukka mwemu omulundi gumu. Bw’osiiga bw’otyo, kirina engeri gye kibuzaabuza ekikula ky’emimwa gyo era abakulaba tebajja kumanya nti misongovu. Okugeza oyinza okusiiga langi emu waggulu ate wansi n’osiigayo bbiri, ng’emu efaanana ne gy’osiize ku mumwa gwa waggulu.

4 Ow’emimwa emigazi siiga kalipusitiiki katono ddala ate nga ka langi ezaaka. Bw’oba osobola genda mu bakugu basooke bakulage langi ezigendera ku mimwa gyo.

 5 Ow’emimwa egirebera, kiba kirungi ne weesiiga lipusitiiki nga mukwafu kyokka nga wamusiize ku mumwa gumu gwokka naddala ogwa wansi. Bw’ogisiiga gyombi gyongera okulebera.

Wabula bwe weesiiga lipusitiiki tokomberera mimwa kuba oluusi aggwaako naddala ebika ebitawangaala.

Ekirala bwe weesiiga lipusitiiki tambula n’akalabirwamu osobole okumukeberako oluvannyuma lw’ekiseera.

More From The Author

Emboozi z’omuwandiisi endala

No Matching Document

Emboozi endala

Yaga 220x290

Omusajja ayagala kunzigyako mwana...

NZE Uwineza Adiah nnina emyaka 26 nga mbeera Lubaga. Okuva lwe nafuna olubuto, baze yagaana okuddamu okundabirira...

Ssenga1 220x290

Nina bulwadde ki?

NINA emyaka 25 naye seegattangako na mukazi yenna kuba buli lwe ngezaako okwegatta nkoma ku mulyango ne njiwa....

Leka 220x290

Owapoliisi yesse lwa bwavu

OMUSERIKALE wa poliisi eyawummula, Robert Mugume asangiddwa nga yeetuze.

Kadi2 220x290

Kadaga awabudde ku bbula ly'emirimu...

SIPIIKA Rebecca Kadaga ategeezezza nti ebbula ly’emirimu mu bavubuka ky’ekimu ku bisinze bikwatagana butereevu...

Dhyljrxcaaw1zm 220x290

Museveni asisinkanye minisita wa...

MINISITA wa German ow’ensonga z’ebweru asisinkanye Pulezidenti Museveni n’asaba amawanga g’ebweru okuyamba Uganda...