TOP

Tulyafuna: okikola otya?

By Musasi wa Bukedde

Added 16th July 2016

EYATANDIKIRA mu kutunda obukota bwa ndiizi obubiri kati ab’omu katale k’e Nakawa bamweyitira ‘musiga nsimbi’.

Brown1 703x422

Tulyafuna (ku ddyo) ku mulimu.

EYATANDIKIRA mu kutunda obukota bwa ndiizi obubiri kati ab’omu katale k’e Nakawa bamweyitira ‘musiga nsimbi’.

Ono yee Abel Tulyafuna 40,( Brown Katunda) omutuuze w’e Kikulu –Kisaasi kati ali mu butunda era nga bizinensi ne kapito bye biri mu bukadde.

Okuva e Rukungiri yonna asobodde atya okweyiiya mu Kampala n’abaawo;

 Bakadde bange ye mwami n’omuky. Raphael Kategeyanga ab’e Lubwoyo –Ndere Ruhinda mu disitulikiti y’e Rukungiri.

 Saasoma kugenda wala era nakoma mu S2 e Kashenyi Secondary. Taata eby’okutuweerera si bye yaliko kuba n’ekirala twali abaana bangi, 12.

Olw’okuba eby’okusoma byali bya nkalu, nasalawo okutandika ka bizinensi era natandikira ku bukota bwa ndiizi bubiri bwe nasala ebiwagu ne mbuteeka mu kaduuka akaali kaliraanye awaka ke bampangisanga 2,000/- buli mwezi.

Amenvu nagaguzanga abantu abakulu n’abaana be twali tusoma nabo. Ekiwagu kyabanga wakati wa 50/- ne 100/- era eyo y’eyali emmanduso y’okufuna kwange.

 nju ya ulyafuna mu kyalo Enju ya Tulyafuna mu kyalo.

 

Amagoba amatono ge nafunanga ku menvu, nga ngulamu ebintu ebikalu bye nayongeranga mu kaduuka omwali ssabbuuni, ebibiriiti n’ejjirita. Ekyavaamu, kapito yagejja edduuka ne ligaziwa nga kalonda asinga mw’ali.

Bakasitoma bwe beeyongera natandika n’okukolanga ku magoba ge naterekanga. Ssente zino ze natereka kwe nazimba akayumba kange ak’ekivubuka akaasooka aka mabaati n’eba enju eyasookera ddala ey’ebbaati ewaffe mu luggya.

Olw’amala okuzimba nasalawo mpase. Ebyembi nakozesa ssente nnyingi nga ziva ate mu bizinensi era ebbanga bwe lyatambula, sitooko ne kapito yatandika okweveera.

Nafuna mangu ekirowoozo ne nditunda edduuka era ssente ezaali zisigaddemu ezaali 500,000/- ze nakwata ne nnumba ekibuga Kampala mu 1999. Yatuukira wa., era ekibuga akitandika atya? Birinde enkya.

More From The Author

Emboozi z’omuwandiisi endala

Emboozi endala

Kola 220x290

Kiplimo eyawangulidde Uganda zaabu...

MUSAAYIMUTO Jacob Kiplimo yawangulidde Uganda omudaali gwa zaabu ku Ssande mu misinde gy'ensi yonna egya 'IAAF...

Budu 220x290

Busiro eyigga ttiimu ewangula ekikopo...

ESSAZA lya Busiro litegese empaka z’amagombolola okusunsulamu ttiimu eneevuganya mu mipiira gy’Amasaza.

Nkalu 220x290

BUKEDDE W’OLWOKUSATU TOSAANA KUMUSUBWA...

Tukulaze engeri Museveni gy’akunyizza Kayihura ku bya Kaweesi. Waliwo n’enkalu ku kunoonyereza ku banene mu poliisi...

Mazzi1 220x290

Omukozi atuuse okwezza omwami wo...

Ky‛olina okumanya, abaana abo be muleeta ng‛abakozi abamu babeera n‛ebigendererwa eby‛okufumbirwa naye ng‛abasajja...

Liz1 220x290

Abanoonya; Njagala musajja Muzungu...

Obutabeera na musajja kye kisinze okumalako emirembe