TOP
  • Home
  • Yiiya Ssente
  • Bizinensi ataweza kapito wa 1,000,000/- z’akola n’afunamu

Bizinensi ataweza kapito wa 1,000,000/- z’akola n’afunamu

By Musasi wa Bukedde

Added 29th March 2017

Natandika mpola okutunda ebyennyanja oluusi nga nsuubula ebyennyanja musanvu ng’olumu ekimu okitunda 3,000/- nga wakisuubudde 1,500/-.

Biz3 703x422

Nabunnya atunda byennyanja

ZAYITUNI Nabunnya ow’e Nakifuma - Mukono, atunda nnyaanya, butungulu, byennyanja, kaamulali omunene.

Alaga bw’atambuza bizinensi ye eno: “Natandika omulimu guno mu 1989 ne 3,000/- ze nali nterekedde ebbanga nga nneebuuza kye nsobola okuzikolamu okutuuka omu ku mikwano gyange lwe yankwatako ne nsuubula ebyennyanja.

Natandika mpola okutunda ebyennyanja oluusi nga nsuubula ebyennyanja musanvu ng’olumu ekimu okitunda 3,000/- nga wakisuubudde 1,500/-.

Ekirungi ebiseera ebyo ebyennyanja tebyali ku buseere nga kati ng’osobola okugula obwennyanja obutono (macala) ku 2,000/- omulengo oluusi nga gulimu obwennyanja nga 20 buli kamu n’okatunda 500/-, ogenda okumaliriza ng’ofunyeemu 6,000/-.

Amagoba nga nterekako ga 2,000/- ate 4,000/- n’ozongera mu kapito, naye olina okubeera ng’otereka n’okwerumya kuba bw’otokikola mu mwezi ogumu oba omaze okugwa.

Omulimu guno ngumazeemu emyaka 27 era kati nze Ssentebe mu katale e Nakifuma.

Wabula olumu ofuna okusoomoozebwa ebintu ne bigaana ogenda okulaba ng’ofiiriddwa, olwo ssente ze wali watereka n’oziggyayo n’oyongera mu bizinensi.

Oluusi otetenkanya, abadde atunda ekyennyanja ku 5,000/- n’okyongeramu 300/- osobole okutambuza omulimu. Nsinga kutunda byennyanja bikalu.

Ogenda otetekanya n’ototuula kuba buli lw’olaba ekitambula ate nga tekyetaaga ntandikwa nnene ng’okigezesa.

Mu 2007 embeera yali ekalubye nga nnina 30,000/- ne ntandika akadaala k’ennyaanya, obutungulu, obunzaali, bbiringanya, kaamulali omunene.

Natetenkanya mpola okutuusa lwe mpezezza kapito wa 800,000/-.

Amagoba agamu ngazza mu bizinensi ate endala n’ozitereka Bwentyo bwe nkoze ebbanga lyonna nga nzimbyemu n’ennyumba n’abaana bange mbasomesa.

Mu mulimu gwange ndi wakati wa kapito wa 800,000/- ne 1,000,000/-.

Omukyala alinda ez’akameeza osobola okuterekako 300/- buli lunaku n’omala emyezi, ogenda okulaba ng’owezezza 27,000/- z’osobola okusuubulako ennyaanya n’obutungulu ku mmotoka, obunzaali bwa 2,000/-, emboga za 10,000/-, bbiringanya 3,000/- n’obiteeka awaka ku mmeza oba ku mudaala.

Ogenda okulaba ng’abantu bagula, eyatandise ne 27,000/- ogenda okulaba ng’otuuse 30,000/-.

Bw’otozirya ogenda ogaziwa kasita obeera mugumiikiriza.

Ntereka 10,000/- buli lunaku ku magoba ge nfuna

Henry Segujja 25, mutuuze w’e Kigunga - Mukono Central Division, munisipaali ya Mukono asiika capati.

Alaga bw’addukanya bizinensi ye eri mu kapito wa 500,000/- ng’otaddeko by’akozesa byonna n’ekifo.

“Nantandika ne pakiti z’engano bbiri naye oluvannyuma lw’emyezi ena kati nsiika pakiti ttaano.

Nsobodde okwongerako ebirala ng’amandaazi ne sumbuusa.

Nfuba okutereka 10,000/- buli lunaku nga ntoddeko ezo ze nkozesezza.

Ebinnyambye

  • Omulimu nguwa obudde. Nkeera ne nkola okukwata akatale k’abaana abagenda ku ssomero, olwo ne ndekawo omwana ssinga mbaako gye nfunye omulimu omulala.
  • Mpandiika ebikwata ku bizinensi buli lunaku ekinnyambye okumanya enyingiza n’ensaasaanya n’amagoba.
  •  Nkolagana n’abaamaduuka, era nsobola okufunayo ebintu ne nsasula oluvannyuma.
  • Nneewala okuwola kuba bakasitoma abamu tebaagala kusasula ekikukosa. Entereka y’amagoba Olw’okuba buli lunaku mbala bizinensi mmanya amagoba ge nfunye ate ng’etteeka nterekako 10,000/- endala ne nzizza mu bizinensi.
  • Amagoba agamu nagagulako ebitaala ebikozesebwa ku mikolo nga bino nabyo mbipangisa era ssente ezivaamu nzizza mu bizinensi ya capati.

Bye nfunye

1 Nkozeemu bizinensi endala.

2 Bizinensi yange njongeddemu mu bbanga ettono lye ngikoledde. Okusoomoozebwa Ebbeeyi y’ebikozesebwa ekyuka buli kiseera ekitutaataaganyamu.

Bw’okozesa abakozi abamu bakubba ne bazza bizinensi yo emabega. Bannannyini bifo we tukolera nabo beekyusa, mutegeeragana ssente ndala ate n’akyusa n’akwongeza.

Obubbi bw’ebintu nabwo butuyisa bubi we tukolera kyokka nga tusasula 2,000/- mu b’obuyinza okukuuma emidaala buli mwezi.

Bakasitoma abatasasula nabo batumenya. Ebintu bino nabyo biriko sizoni, abaana nga basoma tukola okusinga mu luwummula.

More From The Author

Emboozi z’omuwandiisi endala

Emboozi endala

Cfhhsjxsaayhka 220x290

Kiprotich awangudde omudaali gwa...

Munnayuganda Stephen Kiprotich akutte kyakubiri n'awangula omudaali gwa feeza mu mbiro z'okutolontoka ebyalo eza...

Teeka1 220x290

Kazibwe Kapo ‘Ow’emmundu ku ggombolola’...

Kazibwe Kapo ‘Ow’emmundu ku ggombolola’ by’ayimba tabissa mu nkola? : Yasuubizza abakazi 2 embaga omuli ne nkubakyeyo...

Kusaba1 220x290

Aba Victory Christian Centre, Bujingo...

AB'EKKANISA ya Victory Christian Centre, abaakuza Bujingo n'okumuteekateeka okufuuka omusumba bavumiridde enneeyisa...

Save1 220x290

Abasumba batadde akazito ku Paasita...

Paasita Aloysious Bujingo owa House of Prayer Ministries e Makerere Kikoni bamunoonyerezaako ku bya Bayibuli ezookebwa....

United1 220x290

Bano 13 abavunaaniddwa be batta...

KU basajja 13 abaaleeteddwa mu kkooti ne basomerwa omusango gw’okutta Kaweesi kuliko bana ababadde babeera ennyo...