Natasha
MWANA muwala Natasha Sinayobye eyawangudde engule y’omuyimbi asinze okukwata vidiyo ennungi mu mpaka za Diva awards ezaabadde ku Theater La Bonita, atabukidde abavubuka ababadde bamusonseka obugambo n’abalagira bamwesonyiwe kuba ye mufumbo.
Kino kyaddiridde Natasha okugenda ku siteegi okunona engule ye nga yeesaze obuwero ekyawalirizza abavubuka abamu okutandika okumusonseka obupapula okuli ennamba z’amasimu wabula n’abaswaza bwe yalangiridde ng’abasajja bwe basaanye okumwesonyiwa kuba alina omuntu we.