Omusajja ng’asitudde omuwala ekimu ku bintu ebigumizza omukwano n’omulaga nti omufaako naddala nga muli ‘awutu’.

NZE Claire Nalubwama mbeera Mukono. Ntunda mu dduuka era nafuna omwagalwa wange eyasooka nga nkyasoma mu S.5. Bwe twalinga tudda awaka nga ggaayi ono amperekerako nankomya okumpi n’ewaffe naye ng’olumu nze muwerekera ne ndyoka nzira ewaffe.

Wabula olumu twatuukanga kiro naddala nga batutadde obudde buyise. Olunaku lwe sisobola kwerabira lwali Lwakuna mu 2009. Ggaayi ono yampita okumukyalirako ewaabwe ne tulagaana okusisinkana ku ssaawa nga 5 ez’oku makya nga bakadde bagenze ku mirimu. 

Awaka baakozesanga mulyango gwa manju era nange mwe yampisa okutuuka mu ddiiro. Nasangawo mutowe ow’emyaka 5 era twalwawo nga tunyumya ng’eno bwamudeddereza yeebake. 

Olwasumagiramu ne tumutwala mu kitanda kye olwo ne tudda mu ddiiro ne twegyaga. Kaali kaseera kazibu nnyo kubanga gwe gwali omulundi gwaffe ogusooka buli omu okulaba ku mubiri gwa munne n’okukola ebintu bino. Twenywegera nga bwe tweyambula mpolampola era yali anneesigamizza ku kisenge tugenda okutandika okulya ebintu, maama we n’akomawo. Nzenna natuuyana nga njagala ettaka limmire. Nayambala ekiteeteeyi kyange ne mpita ku mukadde ne nziruka ekikumi.