Ekifo awaabadde obuyumba obwayidde.

OMULIRO ogugambibwa nti gwavudde ku mukazi eyaleseewo ssigiri mu nnyumba ye n’agenda ku nnyanja okuloba obusonko gusaanyizzaawo  obuyumba bw’embaawo 100 ku mwalo gw’e Namirembe e Masaka.

Gwatandise ku ssaawa  11  ez’olweggulo ku Lwokubiri era nga kyatwalidde abatuuze ku mwalo essaawa eziwera  okusobola okuzikiza omuliro guno.

Ebintu eby’omu nju omuli emifaliso, ebidomola, engoye n’ebintu ebirala omuli n’ensimbi enkalu byasaanyeewo mu muliro guno. Muky.  Janati Nassuna  ensimbi ze akakadde kamu n’ekitundu n’ebyomu nju byonna teyasigazza.