Pulezidenti ng’abuuza omubaka Nabilah.

OMUBAKA omukazi owa Kampala, Nabilah Naggayi Ssempala (FDC)  eyagwa ku kabenje k’alumiriza nti kaapangibwa poliisi yasisinkanye Pulezidenti Museveni.

Yabadde azze mu palamenti okwogera ku nsonga z’amafuta agasimwa mu Uganda ne babaako obutonotono bwe boogera.

Nabilah eyabadde ne bandeegi ku mukono n’okugulu owoolugambo waffe teyasobodde kuwulira bye yabadde ayogera na mukulu.

Wabula omu ku batambulira ku lusegere lwa ‘‘muzeeyi’’ yatugambye nti yawulidde amubuuza biki ebyamutuukako naye n’amugamba nti abapoliisi be baamutuusa ku bulabe buno.

Yafuna akabenje mmottoka ye bwe yatomeragana n’eya poliisi eyali ewerekera abawagizi ba Col. Kiiza Besigye.