Kasenge n’abakungu b’eggombolola

OFIISI ya RDC w’e Mukono eyanjudde enteekateeka z’okusiima abantu ab’enjawulo abalina kye bakoze okukulaakulanya disitulikiti eno.  

Enteekateeka eno yayanjuddwa RDC John Fisher Kasenge bwe yabadde asisinkanye abakulembeze b’eggombolola y’e Kasawo ku Lwomukaaga.   

Kasenge yategeezezza nti Mukono okutuuka ku nkulaakulana gy’eriko waliwo abantu abakola obutaweera abasaana okusiimibwa omuli abalimi, abakulembeze, abasomesa ne bannamakolero. 

“Muwandiike amanya g’abo abalina kye bakoze okukulaakulanya disitulikiti ya Mukono okuva nga tennakutulwako Kayunga, Buikwe n’endala basiimibwe ku mukolo ofiisi yange gw’egenda okutegeka,” Kasenge bwe yategeezezza.