Bya Augustine Tamale

OKULULUNKANA kujjudde abakungu n'abazanyi b'ensambaggere. Buli omu assaawo ekibiina ate akikozesa okusukka we kirina okukoma.

Abazannyi bazannya mu mpaka z'abayiga ne pulofeesono nga bwe baagala. Ekibiina ky'ensambaggere (Uganda Kick-Boxing Federation) kya bazannyi 'bayiga' ate okisanga kyenyigira mu nnwaana ng'eza Golola ali mu bapulofeesono.

Golola yennyini talina layisinsi ya pulofeesono era ne kontulakiti akola za majenjeeke ky'ava akaayanira ssente n'abategesi.

Abaggya abawagizi ekifu ku maaso ku lulwana lwa Golola, baabayisa ku litalaba (tebaasasulwa wadde ennusu)!

Kati waliwo abaatudde ne balonda olukiiko lwa pulofeesono olwo ne gujabagira. Anti kati okutegeka ennwaana za bapulofeesono kufuuse kwa kirwanire.

Minisitule, NCS, UOC, abazannyi wamu n'abaddukanya ensambaggere beetaaga okutuula mu bwangu kuba obukuluppya n'emivuyo bigenda kubuutikira omuzannyo guno mu Uganda.

atamale@newvision.co.ug 0772419501