RUTH Kalibbala muka Charles Bwanika Ssensuwa owa Super FM ne Moureen Nantume owa Eagles be bamu ku baacamudde abadigize mu kivvulu ky’ennyimba n’emizannyo ku Bat Valley Theatre kye baatuumye ‘Sansabula’.

Kalibbala ne Nantume obwedda bajja ku siteegi nga basuddemu obugoye ng’eno bwe battuzze amabeere ne gabiipinga abalabi.

Baatuuse ekiseera ne boolesa talanta era mu kwecangira ku siteegi amabeere g’atandise okulingiza nga galinga agaagala okudduka mu kaleega olwo abasajja nga bafa essanyu nga bwe bakuba enduulu.

Waliwo abasajja abaawuliddwa nga bagamba nti kirabika bano abakyala babatega bumusu kubasiba mu mizannyo gyabwe.