Agaba
Bya Alice Namutebi
OMUSANGO gw'obuttemu oguvunaanibwa George Agaba n'omukuumi we Santos Makmot gwongezedwayo okutuusa nga 7 March omwaka guno.
Kino kiddiridde omuwaabi wa gavumenti ku kkooti e Nakawa okutegeeza omulamuzi Gladys Kamasanyu nga okunoonyereza bwe kukyagenda mu maaso era n'amusaba abaweeyo akadde bakumalirize.
Agaba ne munne Santos abali mu kkomera e Luzira baggulwako ogw'obutemu oluvannyuma lw'amasasi agaakubwa mu bantu b'e Luzira okwaviirko omutuuze omu John Onyango okufa aba KCCA bwe baali bamenya obuyumba obutali mateeka obwazimbibwa mu kifo kino.