Mike Mutebi atendeka Villa.
Bya Musasi Waffe
Eggulo mu liigi:
SC Villa 1-0 Hoima Busia
OLUVANNYUMA lw’okutimpulwa Bunnamwaya ggoolo 4-1, SC Villa eggulo yafunye ku ssanyu kyokka ng’emaze kuluma gwengulu okuwangula Hoima Busia (1-0) mu kisaawe e Nakivubo.
Ggoolo eyawadde Villa obuwanguzi yateebeddwa Moses Ndaula mu ddakiika ya 24 oluvannyuma lw’ekisobyo ekyasimuddwa Steven Bengo.
Abawagizi ba Villa baakwevuma abateebi baabwe abaalemeddwa okwongerako endala ku mikisa enjolo egyakoleddwa Bengo.
Villa yawezezza obubonero 21. Wabula omutendesi wa Hoima-Busia yagenze yeevuma muzannyi we Issa Balaza eyafunye kaadi emmyuufu olw’okukuba Isaac Muleme ekikonde mu bugenderevu.