Bya Hussein Bukenya ne Hamid Kalanzi
Enkya mu liigi:
URA - Fire Masters
GEORGE ‘Best’ Nsimbe eyaakalya obutendesi bwa Fire Masters, ali ku kigezo enkya okumatiza bakama be nti omulimu waakugukola bulungi.
Enkya Fire Masters ekyalira URA FC omupiira Nsimbe gw’asoose okuba mu mitambo gyayo oluvannyuma lw’okugobwa kwa Leo Adraa, abadde agitendeka.
Nsimbe, eyakola erinnya mu KCC FC gye yabulako akatono okutuusa mu bibinja bya CAF Champions League, yasuddewo Victors gy’abadde atendeka olw’okufuna obutakkaanya ne bakama be.
Nnannyini Fire Masters, Peter Johnson agamba nti, “Nsimbe mutendesi mulungi era nsuubira nti ttiimu yange agenda gugiggya mu kaseerezi k’erimu.”
Fire Masters ya 13 ku bubonero 19 nga singa terinnyisa mutindo gwayo, yandisalwako.
Nsimbe, eyatandise emirimu gye ku Lwokubiri, yatadde omukono ku ndagaano ya mwaka gumu.