Besigye ng’ayogera eri abatuuze b’oku Kaleerwe

Bya Henry Kasomoko, Moses Lemisa ne Joseph Mutebi

AMASASI ne tiiyaggaasi byakubiddwa mu lukung’ana lwa Dr. Kiiza Besigye ku Kaleerwe okugumbulula abawagizi be abaabadde bakasukira abapoliisi amayinja.

Bino byabadde ku kisaawe e Mulago, Besigye gye yabadde akubye olukung’aana olugezaako okulwanyisa embeera embi gy’agamba eri mu ggwanga.

Besigye yategeezezza nti ensonga lwaki bakalambidde ku nkola eno, ayagala Gavumenti eteekewo ekitebe kimu ekyetengeredde nga kino kijja kuyamba abantu bonna okufuna obwenkanya mu ggwanga lyabwe.

Yasabye ababaka ba palamenti okuva mu kulwanirira okuboongeza omusaala wabula badde mu kulwanirira enkola ennung’amu esobozesa buli muntu mu ggwanga okugabana ekyenkanyi ku mulimu gwe.