Abanoonya Advertise Tweyungeko By'ogamba Etterekero Book Advet contact us Rss Archive
Agakagwawo
Loading
Ag’eggwanga
Pass PLE acamudde abayizi n’abasomesa
Kampala | Mar 12, 2012
Abayizi ba St Anthony G. J Kyampisi nga basanyukidde Pass PLE eggulo.
  • print
  • mail
  • img

Bya MUSASI WAFFE

EBIBUUZO BYA Pass PLE ebyatandise okufuluma eggulo bicamudde abasomesa n’abayizi abali mu P.7 ne bawera okulaba nga tebasubwa buli katabo akafuluma.

Akulira essomero lya  St. Anthony G.J Kyampisi mu disitulikiti y’e Kayunga, Charles Kibirige yagambye nti Pass PLE abayizi bwe bamunyikirira abayamba  okuyita obulungi ebigezo bya PLE eby’akamalirizo.

“Ekisookera ddala abayizi bw’obawa akatabo ako kibayamba okumanyiira ebibuuzo olwo ne baba nga tebakyatya bibuuzo byonna,” Kibirige bwe yategeezezza.

Yannyonnyodde nti ekirungi ku katabo kano basooka ne bafulumya ebibuuzo n’oluvannyuma ne ku Mmande eddako ne bafulumya eby’okuddamu ne kiyamba omuyizi okulaba ekibuuzo bwe bakitegeka n’engeri y’okukiddamu era nga kino kyayamba nnyo abaana be yatuuza omwaka oguwedde kubanga be baasinga mu disitulikiti yonna okukola obulungi n’awa ab’amasomero amalala amagezi nabo bakettanire.

Omuyizi Joyce Nanziri owa P.7 yagambye nti agenda kwekwata akatabo kano buli Mmande asobole okuyitira waggulu P.7 nga be yalabye abaafulumidde mu mawulire nga balaga nti ke baakozesa omwaka oguwedde okuyitira waggulu.

Omukung’aanya wa Bukedde, Ssaalongo Kaggwa yagambye nti ebyayogeddwa abayizi abaamaze P.7 omwaka oguwedde nti Pass PLE yabayamba nnyo okuyita ebibuuzo kye kibawalirizza okutandikirawo amangu okufulumya ebibuuzo bino.

Abakulira amasomero abandyagadde okwekwata kkopi zaabwe abawa amagezi okuweereza obubaka ku subscription@newvision.co.ug oba okukuba essimu 0772439786 bafune ebisingawo.

blog comments powered by Disqus
NoImage
Osemba ssaabalamuzi okusigala ku ntebe wadde ng'ekisanja kye kyaggwaaako?
Ye
Nedda
Simanyi
facebook
Twitter
Also in this section
Copyright © 2012 Bukedde online. All rights reserved Designed by: Noimg Developed by: logo