Bya SAMUEL BALAGADDE ne Prossy Nanziri
ABASAJJA bana abagambibwa okubeera mu kibondo ky’abafere abatigiinya kompyuta z’ekitongole ky’omusolo ekya URA ne bakyusa ebifa ku mmotoka zibeere nga ziwa omusolo mutono kw’ogwo gwe zirina okuwa, bagguddwaako emisango mukaaga ne basindikibwa e Luzira.
Abavunaaniddwa kuliko: Guster Nsubuga 35, Patrick Oware 44, abakolera mu kkampuni ya Cargo Supplies, Richard Kibalama 39, omukugu wa tekinologiya ne Farouk Mugere Ngobi 35, akolera mu kkampuni ya Shafa Clearing nga agenti
Basimbiddwa mu maaso g’omulamuzi, Dorothy Lwanga owa kkooti ewozesa abali b’enguzi n’abakenuzi emisango ne bagyegaana n’abasindika ku limanda e Luzira okutuusa ku Mmande.
BABAKWATA BATYA?
Abaakwatiddwa ku Lwokubiri akawungeezi baasangiddwa mu luggya lw’ekitebe kya URA e Nakawa mu mmotoka ey’ekika kya Toyota Duet nnamba UAQ 342R mwe baabadde era nga nayo yazuuliddwa nga yeemu kw’ezo ezibadde ziwenjebwa ekitongole kino olw’okubbirira omusolo.
Baasangiddwa ne kompyuta entono ssatu eziyitibwa ‘laptop’ ng’emu ku zo yasangiddwa ng’eggudde omukutu gwa URA ogw’empuliziganya wakati w’abakozi oba kiyite yintaneti ogukozesebwa okugereka emisolo.
Mu birala bye baabadde nabyo mulimu; akuuma akeeyambisibwa okweyunga ku yintanenti akayitibwa ‘modem’, ekyuma ekitereka amasannyalaze ga kompyuta wamu ne kaadi za ATM eziwerako eza banka ez’enjawulo.
OBUKODYO BWE BABADDE BAKOZESA
Okusinziira ku mwogezi wa URA, Paul Kyeyune ekitongole kino kirina enkola w’oyinza okufunira yintaneti nga teweetaaze kuyunga kompyuta yo ku waya yonna bw’obeera mu bizimbe byabwe oba oluggya eyitibwa ‘wireless internet’ oba ‘wifi’.
Abafere bano kye babadde bakola kwe kuvuga mmotoka zaabwe ne baziyingiza mu luggya lwa URA e Nakawa olwo ne baziteekako ne beeyunga ku mukutu gwa URA okusasulirwa omusolo oguyitibwa Automated System for Customs Data (ASYCUDA).
Bwe batuuka ku mukutu kuno nga bakozesa ebigambo eby’ekyama (passwords) ebiteeberezebwa nti byabaweebwa abamu ku bakozi ba URA babadde basobola okukyusa buli kalonda akwata ku mmotoka yonna.
Olw’okuba emmotoka gy’ekoma okuba empya gy’ekoma okusasula omusolo omungi bano babadde bazikyusa okugeza emmotoka eya model 2010 (eyakolebwa mu 2010) ne bagikyusa n’efuuka ya model 2000.
Ebirala bye babadde bakyusa mulimu okulaga nti emmotoka eyingiziddwa mu ggwanga esasudde emisolo wadde nga tennawaayo nnusu yonna nga bajingirira ne lisiiti za banka okukakasa kino.
URA EYIGGA EMMOTOKA 536 EZIBBA OMUSOLO
Omwezi oguwedde URA yafulumizza ennamba za mmotoka 536 ng’ezimu ziva ku UAB…..UAE… UAH okutuuka ku mpya eza UAQ… ne UAR….. ekiteegeza nti ekibondo kino kirudde nga kikola omulimu guno.
Mu kirango kino URA yagamba nti: Uganda Revenue Authority eyongera okubajjukiza nti eri mu kukebera n’okwekenneenya ebiwandiiko by’ebidduka.
Ekirango kino kyawa bannannyini bidduka ebyalangibwa wiiki bbiri okuva nga May 14 okutuuka nga June 1 okuba nga beeyanjudde n’ebidduka byabwe ne kaadi zaabyo ku kitebe kya URA e Nakawa.
Omwogezi wa URA, Paul Kyeyune yategeezezza bannanyinni bidduka abaayitiddwa abamu bazze ne beeyanjula ne kizuulibwa nti emivuyo gyakolebwa tebannagula mmotoka zino ne basonyiyibwa kyokka endala naddala empya zaaboyeddwa okutuuka nga bannannyini zo basasudde emisolo gyazo gyonna.
Kyeyune yalabudde nti URA ng’eyambibwako ebitongole ebikuumaddembe yaakukola ebikwekweto okukwata ebidduka byonna ebitaneeyanjula.
ZIIZINO Emmotoka ezinoonyezebwa
1. UAQ 739S
2. UAQ 739T
3. UAQ 746R
4. uaq 747Q
5. UAQ 755P
6. UAQ 758Q
7. UAQ 762M
8. UAQ 767L
9. UAQ 773Q
10. UAQ 799F
11. UAQ 799Z
12. UAQ 800B
13. UAQ 800Q
14. UAQ 806T
15. UAQ 830S
16. UAQ 832B
17. UAQ 834V
18. UAQ 837L
19. UAQ 882M
20. UAQ 887L
21 UAQ 905Q
22. UAQ 905T
23. UAQ 913J
24. UAQ 924K
25. UAQ 932M
26. UAQ 960K
27. UAR 211D
28. UAE 830S
29. UAE 835U
30. UAE 849Y
31. UAE 878G
32. UAE 986U
33. UAF 007F
34. UAF 149Y
35. UAF 321H
36. UAF 685Y
37. UAF 745R
38. UAF 827U
39. UAF 983F
40. UAF 999U
41. UAG 049P
42. UAG 058Q
43. UAG 260T
44. UAG 333Z
45. UAG 376H
46. UAG 442T
47. UAG 445E