OMUKAZI bamugwikirizza ng’atigaatiga mu kazigo ke ekiro. Baliraanwa be be baatemezza  ku w’ebyokwerinda mu kitundu n’abasanga mu kazigo.

Bombi bakkirizza nti kituufu gye buvuddeko banyumya akaboozi ak’ekikulu naye ku luno babadde tebalina kye bakoze.

Lukia Mariam Lucky Nanyero,  omutuuze mu Kawaala Zooni 3 ng’agamba nti akolera mu Nakivubo Guest House ku Cooper Complex  yakwatiddwa n’akalenzi ak’emyaka 17 amannya gasirikiddwa nga kasomera mu Kawaala High mu S4.

Bino byabaddewo ku Lwomukaaga ekiro ku ssaawa 2 ez’ekiro. Yagguddaako omusango ku fayiro nnamba SD 28/20/6/12.