Bya Musasi wa Bukedde

ABAANA 5 bafiiridde mu muliro ogukutte ekisulo kya Leos Junior Academy mu Nyendo Masaka ku nkya ya leero.

Abafiiridde mu muliro bonna bayizi m,u ssomero lino kyokka emirambo kyenkana gifuuse bisirinza nga kizibu okwawula ani ye ani era gitwaliddwa mu ggwanika ly'eddwaaliro ly'e Masaka.

Akulira poliisi mu bukiika ddyo Simon Peter Wafana ategeezeeza Bukedde nti abayizi abafiiridde mu muliro babadde tebannategeerekeka mannya kyokka poliisi ekyagenda mu maaso n'okukola okunoonyereza kiki ekyavuddeko omuliro guno.

Guno mulundi gwa kubiri ng'essomero lye limu likwata omuliro mu bbanga lya emyaka ebiri.

Abamu ku batuuze abadduukiridde bategeezezza poliisi nti abakozi ku ssomero baagezezzaako okuzikiriza omuliro kyokka ne gumalemerera.