Bya HASFAH SSONKO, DAR ES SALAAM

OMUTEEBI wa Cranes, Emmanuel Okwi, owa Simba FC (Tanzania) yagenze mu Redbull Salzburg (Austria) okugezesebwa nga bw’ayita, waakwegatta ku Munnayuganda aliyo era kapiteeni waayo, Ibrahim Sekaggya.

Okwi yasitudde ku Ssande okwolekera Vienna gy’agenda okumala wiiki bbiri ng’agezesebwa ne bakyampiyoni ba Austria bano.

“Bwe binaaba tebigenze bulungi, waakuyita buyisi agende e Yitale kuba nayo waliyo kiraabu ezimwagala,” Geofrey Nyange Kaburu amyuka ssentebe wa Simba bwe yategeezezza omusasi wa Bukedde oluvannyuma lw’omupiira gwa Simba ne URA mu CECAFA ku Ssande.