Bya HUSSIEN BUKENYA

OMUYIMA wa Masaka LC, Vincent Bamulangaki Ssempijja alonze akakiiko kaayo akaggya ng’agamba nti akabaddewo kabadde kaleeta emivuyo mingi.

Ssempijja yagambye nti omwaka oguwedde Masaka yafuna obuzibu olw’abakungu abamu okukola emirimu mu ngeri eya gadibengalye kwe kusalawo okubawummuza alonde banaatwala Masaka mu maaso.

Mu kakiiko kano, Ssempijja asigaddewo nga ssentebe, Ben Kalungi (ssentebe wa disitulikiti ya Masaka) ye mumyuka we, Vincent Basajja maneja, Richard Kimera ye muwanika, Paddy Nsobya ye muwandiisi ne Hakimu Matovu akola ku mbeera z’abazannyi.