Bya Musasi Waffe

EYALI omuddusi wa Uganda mu mbiro z’akafubutuko, Davis Kamoga amagezi gamwesibidde e London mu Bungereza ewabumbujjira emizannyo gya Olympics.

Kamoga, yategeezezza omusasi wa Bukedde nti, “Ssente ezindabirira zimpeddeko ate nga sisobola kugenda nga nsabiriza. Ka nsabe abakungu abatuleese nze nzire ewaffe.”

Kamoga, eyawangulira Uganda omudaali gw’ekikomo mu gya Olympics egyali mu kibuga Atalanta mu Amerika mu 1996, yapakirwa Gavumenti agende azzeemu abazannyi ba Uganda amaanyi.