BAMBEGA okuva ku Poliisi y’e  Iganga nga bali wamu ne poliisi y’e Jinja bakutte Mande Balikuddembe ku bigambibwa nti mufere ayeenyigira mu kukuba ssente ez’ebicupuli.

Balikudembe omutuuze ku luguudo  Nizam mu kibuga Jinja .

Mbega, Anthony Wafula yagambye nti Balikuddembe yabadde amaze okusuubiza Richard Isabirye okumukolera obukadde bw’ensimbi singa asooka okumusasula ennamu obukadde butaano. Ono ye yatemezza ku poliisi ng’amwekengedde  n’emuyoola.

Kigambibwa nti era abadde afera abantu n’abaggyako ssente ng’abasuubizza okubafunira Viza z’amawanga amalala n’abanyagako ssente.

Omukwate yabadde avuga mmotoka ey’ekika kya Noah nnamba UAR 514K era poliisi bwe yayazizza amakaage n’esngayo ebicupuli n’ebiragalalagala.