Bya Magaret Ziribaggwa
JUDITH Nabakooba, abadde amaze omwezi ng'aggyiddwa ku bwogezi bwa poliisi mu ggwanga, akomezeddwaawo mu ofiisi en mu nkyukakyuka ezirangiriddwa omumyuka w'omuduumizi wa poliisi.
Okoth Ochola.Simon Kuteesa, abadde yasikira Nabakooba, kati ali mu ofiisi ekola ku misango gy'amawulire ng'adda mu bigere bya Fred Mirondo abadde yatwalibwayo okuva mu kitongole ekinoonyereza ku misango gy'ebyobufuzi n'ebyokulonda, nga naye yazziddwaayo mu kitongole ekyo.
Emilian Kayima, abadde amyuka Kuteesa, kati ye mwogezi w'ekitongole eky'ebyettaka. Enkyukakyuka zino zaatandikiddewo okukola.
Ba ofiisa ba poliisi abaafulumye e Masindi baagabiddwa mu ofiisi ez'enjawulo nga ba CadetASP, era baatandikiddewo okukola.