Abanoonya Advertise Tweyungeko By'ogamba Etterekero Book Advet contact us Rss Archive
Agakagwawo
Loading
Amawulire
Swiriri ayimba ku basajja abakwabula abakazi
Kampala | Jan 31, 2013
Mampi
  • print
  • mail
  • img

Bya JOSEPHAT SSEGUYA

OKUMANYA oluyimba ‘Swiriri’ olw’Omuzambia Mampi lukutte Bannayuganda omubabiro, bw’osanga abalugeegeenya olowooza bye bayimba by’ebituufu.

Waliwo be twawulidde bayimba mu ngeri ez’enjawulo. “Swiririri, mwana muwala onyirira omubiri, yii swiririri, ahh nnyaffe wangaala…” Obeera okyatenda ono, ate n’owulira amuwakanya nti y’amanyi bwe lugenda. Olwo n’asuulamu nti; Swiririri, tambula n’okugumya omubiri, ehh… swiririri, abafere mwandaaza...

Ono abeera tannamalayo ne zireeta ayimba; Swiririri, abatambuza obugulu obutono…

Bwe tulabye buli muntu ayogera bibye, Bukedde kwe kusalawo ayogere ne Mirriam Mampi Mukape 26, abeera mu kibuga Lusaka ekya Zambia n’atunnyonnyola by’ayimba.

Mampi yavuganyako ne mu mpaka za Big Brother Afrika 7. Mampi yategeezezza ku Lwomukaaga ku ssimu nti ye ayimba ku basajja abalimba abakazi nti babaagala naye nga kye baagala kya kubambulamu ngoye era bwe bamala okubakozesa
n’okumanya bwe baakula, nga babaleka.

Ekigambo ‘Swiriri’ kitegeeza ‘Mukwano’ era akikozesa nga bw’oyita omuntu gw’oyagala nti, ‘mukwano’. Ekitundu abantu
kye bayimba buli omu mu ngeri ye, Mampi yakiwandiikidde Bukedde mu Lungereza kyokka bw’okivvuunula kitegeeza nti, “Mukwano swiiti, bwe wanjagala ne nzikiriza twali babiri mu mukwano omuzibu era siryerabira olunaku lwe wannyambula nga tuli ffekka naye ate bwe wamala by’oyagala n’onneefuulira...”

Mampi agamba nti ky’ayimbako ky’ekimu ku bimulwisizza okufumbirwa kubanga abasajja balimba bwe balina laavu naye
baba baagala kubakozesa n’oluvannyuma ne badduka.

Ekivvulu kye kitegekeddwa KT Promotions ne kiwagirwa Bukedde Fa Ma 100.5 ne 106.8. Kyakubaawo ku Valentayini
nga February 14, 2013 ku Hotel Africana ate ku Ssande nga 17 agende ku Resort Beach e Ntebe.

blog comments powered by Disqus
NoImage
Olowooza ekibonerezo ekyaweereddwa yaaya okusibwa emyaka 4 kyamugwanidde?
Ye
Nedda
Simanyi
facebook
Twitter
Also in this section
Copyright © 2012 Bukedde online. All rights reserved Designed by: Noimg Developed by: logo