OBWAKABAKA bugabidde essaza ly’e Kkooki endokwa z’emmwaanyi emitwalo mukaaga ng’omu ku kaweefube wa Kabaka okulwanyisa obwavu mu bantu be nga bayita mu kulima emmwaanyi.

RUSSIA eteekateeka okuleeta ensimbi mu Uganda okukoola amasanyanyalaze n’okufulumya amazzi amayonjo.

KATIKKIRO Ying. JB Walusimbi asabye abantu okweyambisa ettaka nga balikolerako emirimu omuli okulimirako emmere, okulunda n’ebirala mu ngeri ey’omutindo basobole okulwanyisa obwavu n’enjala.

ABABAKA b’akabondo ka Buganda mu Palamenti bawandiikidde Mmengo ebaweereze kalonda yenna akwata ku ssente Buganda z’ebanja gavumenti eya wakati basobole okusisinkana akakiiko k’ebyensimbi mu kaweefube w’okulaba ng’ebbanja lino likolebwako mu bajeti egenda okusomwa omwezi ogujja.

NNAALINNYA w’Amasiro ga Ssekabaka Ssuuna II e Wamala, Sarah Bitabira Nattu alaze obweraliikirivu oluvannyuma lwa kkampuni eyakwata omulimu gw’okuddaabiriza Amasiro gano okuba ng’etuuse ku mutendera ogusembayo okumaliriza okusiba ebyuma ebyetaagisa kyokka nga tewannabaawo ssubi lyonna lifunika okut