BANNASSEMBABULE beeyiye ku kisomesa ky’e Mateete mu kigo ky’e Katimba ku Ssande n’essuubi ly’okukuba amaaso ku bisigala bya Munsenyooli Aloysius Ngobya.

BW’OLABA abavubuka nga babinuka ennaku zino, ng’eno bwe banywa omwenge ne bagangayira n’abalala okufuuweeta sigala, toloowoza nti bebasoose.

ABASAWO b’oku byalo abaatendekebwa minisitule y’ebyobulamu e Kalangala baginaabidde mu maaso ne bagiragira egende ekime obusanduuko n’amasaati bye yabawa okweyambisa mu kuwa abaana abato eddagala lwa butatuukiriza buvunaanyizibwa bwayo.

BA Imaamu b’Emizigiti gy’e Rakai abasoba mu 80 bakkirizza okwetaba mu kulonda kw’Obusiraamu okutegekeddwa ekitebe ky’Obusiraamu ekikulu e Kampalamukadde ku Lwokutaano.

AKAKIIKO akakung’aanya obujulizi ku by’amagero bya Faaza Ngobya ne Sr. Amedeo Byabari kaatudde ku Ssande mu kisomesa ky’e Kyotera mu kigo ky’e Biikira mu disitulikiti y’e Rakai abaayo ne battottola ebyamagero Msgr. Alozio Ngobya bye yakolera mu kitundu bwe yabeerako mu bigo okuli Kasozi ne Biikira

ABAANA b’omugenzi Yusufu Muswahiri baalemeddwa okugunjoola ensonga mu kika ne bazitwala mu kkooti y’ekyalo Lwannume mu Ggombolola y’e Kyamuliibwa nga bagamba nti waliwo baganda baabwe abaagala okwekomya eby’obusika.

Ssente 1,500,000/- ezaasasuddwa kkampuni ya BIDCO okussa ekipande ku ttaka ly’Obusiraamu e Lukaya zitabudde Abasiraamu ne balumirizza omuwanika waabwe Haji Abubakar Kyambadde okuzibulankanya. Wano nga jjajja w’Obusiraamu Abudukadiri Lwanga alaga Abasiraamu oluwenda ettaka lyabwe mwe liyita.