NNALOOSE nga nzita ebiku mu ngoye zange.

CAROL e Masajja yaloose nga mukwano gwe Omusiraamu amuweereza mesegi ’Obusiraamu ez’okumukumu nga tamulinda kusoma esoose.

MUTEBI ow’e Kibuli yaloose mukaziwe ng’atadde amasowaani ne wuuma ku dayiningi naye nga talabako mmere.

BOB K ow’e Kabowa yaloota ng’alinnya ku kadaala k’ebyobufuzi so nga ye si wa byabufuzi.

STANLEY K e Kireka aloota nnyo emisota nga gimwetoolodde naye nga tegimubojja.

Ivan e Kyabakuza yaloose nga bakuula ebinyebwa nga ye bw’abisomba okubitwala awalala. Kitegeeza omulimu oguvaamu akawera naye nga okyagunyomerera nga weesibye ku bitafuna.

E.G yaloose ng’alaba amakovu amangi ku mulyango gw’enju ye. Kitegeeza obutakkaanya ne mikwano gyo bwe mukolagana ennaku zino.

SSEKITOOLEKO e Ndejja yaloota nga ssigga amuyingira mu kibatu aggweerayo n’alaajana bamutemeko omukono . Kitegeeza nga enteekateeka eziri mu birowoozo byo ennaku zino bwe zijja okuvaamu ebibala newakubadde nga waliwo abatakwagaliza. Toterebuka, ojja kutuuka ku kiruubirirwa kyo.