ABASIRAAMU mbayozaayoza olw’okutuuka mu mwezi guno ogwa Ramadhan. Nsaba Allah abasobozese omwezi guno gubeere gwa mirembe ng’eddiini yaffe bw’etulagira, era nga mukuuma emirembe.

ABAKYALA abasiraamu mwewale okuyisa obubi ba nnazaala bammwe naddala mu kisiibo bwe muba mwagala okufuna empeera.

ABASIRAAMU mwegayirire nnyo Allah mu mwezi guno omutukuvu ogwa Ramadhan ataase eggwanga lyaffe ku ttemu erigenda mu maaso kumpi buli lunaku.

MU mwezi gwa Ramadhan, kikakata ku buli mukyala omusiraamu okwebikkirira ku mutwe n'okwambala engoye ezibikka omubiri gwonna. Kino kikuyamba okutuukiriza n'okulongoosa emirimu gyo eri Allah.

BW'OBA oyambadde, kikuweesa ekitiibwa, onyuma n'oyawukana ku basajja n'abo abatatya Allah.

OMWEZI gwa Ramadhan gwa nkizo ku myezi emirala mu busiraamu kuba gwe mwezi ogwakkiramu ekitabo ekitukuvu ekya Kulaani era Allah n’agutukuza nga buli mulimu omulungi ogukolebwamu empeera zikubisibwamu ekitali ku myezi emirala.