7 bakwateirwe okwiba embuzi omuri Kiruhura.

N’ebya Omushaki weitu

KIRUHURA

Pooriisi omu disiturikiti eya Kiruhura ekwatsire abantu 7 abarikuteekateekwaho kuba bari abashuma b’embuzi.

Samson Kasasira, Omugambirizi wa Pooriisi ahabw’ekyanga ekya Rwizi naagamba abakwatsirwe nka; Nuwamanya Fred, 27, Ssentongo Jamada, 37, Kanyesige Emmanuel, 40, Ndyaguma Moses, 45, Bihabwayo Dan, 39, Byamukama Yorokamo, 44 na Rwabugiri Gerald, 50 boona abatuura b’omu gomborora eya Kinoni omu disiturikiti eya Kiruhura.

Nikigambwa ngu omu kiro ky’ebiro 07/10/2023 omu shaaha ezitamanyirwe, embuzi za Nabimanya Frank zibirwe kuruga omu kiju kyazo omu kyaro ekya Ekinoni om muruka ogwa Kasana omu gomborora eya Kinoni omu disiturikiti.

Omushango gw’okwiba embuzi guhababirwe aha Pooriisi ya Kinoni ahi okucondooza kutaandikiireho ekireteire okukwatwa kw’abantu 7 kandi embuzi 2 nizo zizoirwe.

Abantu 7 abakwatsirwe obwahati bakomiirwe aha Pooriisi ya Kiruhura kandi faayiro y’omushango eriyo nekorwaho kutwarwa ow’omutonganirizi wa gavumenti kubahabura oku baratwaze.

Kasasira naagira ngu abakwatsirwe nibaija kutwarwa omu kooti bajunanwe kandi okucondooza omu nshonga egi nikugumizamu.

#WestUpdates