TOP

Akalulu k’e Lubaga kazzeemu enkalu

Added 1st March 2011

“Byonna ebyakoleddwa ku kkooti e Mengo okuva ku ntandikwa okutuuka ku nkomerero byakoleddwa mu bukyamu n’olwekyo mu mateeka tutwala Moses  Kasibante nga ye mubaka wa Lubaga North omulendo okutuusa nga waliwo ekirala ekituukiddwako”.

Kkooti etuula nkya ku Lwokuna, okuwulira okwemulugunya kw

“Byonna ebyakoleddwa ku kkooti e Mengo okuva ku ntandikwa okutuuka ku nkomerero byakoleddwa mu bukyamu n’olwekyo mu mateeka tutwala Moses  Kasibante nga ye mubaka wa Lubaga North omulendo okutuusa nga waliwo ekirala ekituukiddwako”.

Kkooti etuula nkya ku Lwokuna, okuwulira okwemulugunya kwa Kasibante eyeekubidde enduulu ng’awakanya okuddamu okubala obululu.
  Kasibante yalangirirwa ng’awangudde akalulu ka Lubaga North nga February 18. Kyokka Singh Katongole n’asaba kkooti okubala obululu kuddibwemu. Kino kyako-leddwa era akulira okulonda mu Kampala, Molly Mutazindwa n’alangirira Katongole ku buwanguzi.

AKAKIIKO KAMANYI KATONGOLE
Omwogezi w’akakiiko k’ebyokulonda, Charles Ochora  yategeezezza nti bo bamanyi Katongole nti ye mubaka wa Lubaga North oluvannyuma lw’obululu okuddamu okubalibwa n’asinga Kasibante eyalangirirwa mu kusooka.

N’agamba nti oyo yenna  awulira nga si mumativu n’obuwanguzi bwa Katongole wa ddembe okugenda mu  kkooti naye bbo ng’akakiiko eby’e Lubaga North baabimaze tebajja kubiddamu.

Omulamuzi omuto ow’e Mengo,  Philpo Odoki yalagidde  obululu buddemu okubalwa ku Mmande kyokka Kasibante n’afuna ekiragiro kya kkooti ekiyimiriza okubuddamu kyokka  omulamuzi n’agaana kuba ekiragiro kyatuuse baata-ndise dda okubala obululu.

Kisawuzi yategeezezza nti bbo ng’aba kkooti enkulu batandise okubuuliriza ku byakoleddwa ku  kkooti e Mengo ebimenya amateeka ne batuuka n’okuzimuula ekiragiro kya kkooti nga ne Odoki bamutwaliddemu. Anaazuulwa mu nsobi wakukangavvulwa.

Eggulo Kasibante ne balooya be baagenze mu kkooti okuwuliriza omusango gwe baawaabye okuyimiriza okudamu okubala obululu, wabula balooya ba  Katongole okuli Asa Mwesigye ne bategeeza nti baabadde  tebetegese.   

Baategeezezza nti balooya ba Kasibante baabawadde kikeerezi ebiwandiiko omuli okwemulugunya kwabwe nga betaagayo obudde okubyetegereza.

Omulamuzi    Vincent Zehurikize yalagidde okuwulira ensonga zino enkya ku Lwokuna.
Kasibante ne balooya be baatuuzizza olukiiko lw’abamawulire ne bawakanya okulangirirwa kwa Katongole nti kuli bweru w’amateeka.

Erias Lukwago yagambye ng’oggyeko okujeemera ekiragiro kya kkooti,  akulira okulonda Mutazindwa yabadde tateekwa kubala bululu obwo. Bulina kubalibwa Mulamuzi.

Katongole yabadde amaze okutegeeza nti ye assa ekitiibwa mu mateeka era bwe yalaba nga bamubbye kwe kwekubira enduulu mu kkooti, amazima ne geeyoleka kubanga Katonda yalya nguzi.

 

 

 

Akalulu k’e Lubaga kazzeemu enkalu

More From The Author

Emboozi z’omuwandiisi endala

Emboozi endala

Omuzannyi wa Villa (ku kkono) n'owa Busoga United nga bagoba omupiira mu gwa liigi ogusembyeyo. Baagwa maliri, 1-1.

VILLA ETUNUZZA OMUDUMU MU UPDF

Leero (Lwamukaaga) mu Liigi (10:00); SC Villa - UPDF, Bombo Onduparaka - Vipers, Arua KCCA - Kitara, Lugogo Bright...

Cheptegei ng'ajaganya.

Likodi za Cheptegei zimweyi...

ENJOGERA egamba nti ‘Katonda nga yaakuwadde, n'ennume ezaala' etuukira bulungi ku muddusi Joshua Cheptegei. Ye...

Ivana Ashaba (mu maaso), owa Hippos ng'alemesa owa Burkina Faso okutuuka ku mupiira.

Hippos eyiseemu kavvu

ENKAMBI ya ttiimu y’eggwanga ey’abatasussa myaka 20 (Hippos), yeeyongeddemu ebbugumu, FUFA bwe baawadde doola 80,000...

Ttakisi mu paaka enkadde.

'Bbeeyi y'entambula esusse'

ABABAKA ba palamenti bennyamivu olw’ebisale by’entambula ebyeyongera okulinnya buli lukya ekinyigiriza abasaabaze....

Fr. Kabagira ne Fr. Mubiru nga baganzika ekimuli ku ntaana ya Ssaabasumba Joseph Kiwanuka mu Eklezia e Lubaga.

Bajjukidde Ssaabasumba Kiwa...

ABAKKIRIZA bajjukidde Ssaabasumba Joseph Nakabaale Kiwanuka eyafa nga February 22, 1966 n’aziikibwa mu Eklezia...