TOP

Ani atwala Jinja mu kalulu kano?

Added 17th February 2011

Kino kivudde ku bantu abenjawulo okuva mu bibiina eby’enjawulo, abakyusizza obukodyo bw’okunoonya akalulu. Bavudde ku by’okwogerera ku budaala ne badda ku kakuyege w’okutambula nju ku nju gwe bakuba emisana n’ekiro.

Jinja erina ababaka 5, okuli : Nathan Igeme Nabeta (Jinja Municipality

Kino kivudde ku bantu abenjawulo okuva mu bibiina eby’enjawulo, abakyusizza obukodyo bw’okunoonya akalulu. Bavudde ku by’okwogerera ku budaala ne badda ku kakuyege w’okutambula nju ku nju gwe bakuba emisana n’ekiro.

Jinja erina ababaka 5, okuli : Nathan Igeme Nabeta (Jinja Municipality East), Harry Kasigwa (Jinja Mucipality West), minisita Daudi Migereko (Butembe),  Nampala wa Gavumenti, ow’essaza ly’e Kagoma  Fredrick Mbagadhi Nkayi  ne Muky. Ruth Tuma (Mukazi- Jinja).

Akalulu mu Jinja
Entebe y'omubaka omukazi owa disitulikiti. eriko aba NRM babiri okuli sipiika wa Disitulikiti y’e Jinja, Agnes Nabirye, abadde omubaka Ruth Tuma ne Hajjati Betty Sarafiina Namusobya.

Mu Ssaza ly’e Kagoma waliyo abeesimbyeewo 11 okuli: Walyomu Muwanika, David Wakudumira, Lawrence Tarugende n’omubaka Nkayi Mbagadhi,  eyaliko omubaka  Dr. Frank Nabwiso y’ayinza okweddiza entebe ng’abamu bagamba nti bajjukira bwe yabalwanirira mu kiseera Madhivan we yayagalira okutwala ekibira ky’e Butamiira.

Ku basongedwaamu olunwe mu Ssaza ly’e Kagoma, ye ssentebe w’e Ggombolola y’e Butagaya, Moses Walyomu Muwanika, eyeesimbawo ku kamyuufu ka NRM n’agwa kyokka ng’abasinga mu kitundu kino balaba nga ku babiri  asinzaako obuwagizi ku mubaka Nkayi.

Jinja Municipality East
Kino kye kitundu ekisingamu  amakolero. Eno Omubaka Nathan Igeme Nabeta yeesimbyewo ne looya Paul Mwiru ali ku kaada ya FDC. Looya Mwiru agamba nti, Jinja East terina ssomero lya  siniya erya Gavumenti wadde etterekero ly’olukale.
Ye Omubaka Igeme Nabeta agamba nti, Jinja esaana kutambulira ku mulembe gwa kompyuta, nga kyetaagisa kuyungibwa ku yintaneti.

Jinja Municipality West
Okuvuganya okw’amaanyi kubadde wakati w’Omubaka Harry Kasigwa ne Grace Moses Balyeku azimbye akatale, eddwaaliro, agabye ebitabo n’ebintu ebirara okulaga nti singa alondebwa ku kifo ky’omubaka ajja kukola ebisingawo.

Abamuwakanya bagamba nti, bw’alondebwa ku bubaka tagenda kudda kuba  asaasaanyizza ensimbi nnyingi, z’alina okuzzaawo.
Mu lwokaano mulimu ne Zaake Kibedi, agamba nti yasibibwa olw’okuyamba abavubuka be yeewolera pikipiki 35 wabula olwazifuna ne badduka.

Omubaka wa Butembe, minisita Daudi Migereko alwanirira okweddiza ekisanja eky’okuna mu Palamenti abalonzi bagamba nti okuva lwe yafuuka Nampala wa Gavumenti takyalina kiseera kigenda kubakyalira era tasula mu kitundu.  Kyokka minisita Migereko agamba nti wadde si gy’asula naye gy’azaalibwa era akoze kinene okukikulaakulanya.

Abantu 8 be beesimbyewo okuvuganya ku kifo ky'omubaka w'essaza ly’e Butembe, okuli  Lt. Hannington Basakana, Mathias Miti, Munnamawulire John Banalya, Daudi Muwuliza,  Muwanika Mukulu ne Grace Kirya Wanzala.


 

 

Ani atwala Jinja mu kalulu kano?

More From The Author

Emboozi z’omuwandiisi endala

Emboozi endala

Katikkiro Mayiga n'ebikonge...

KATIKKIRO wa Buganda Charles Peter Mayiga n'abakungu be gattako ebikonge mu Gavumenti eya wakati abeetabye mu kitambiro...

Ssaabasumba Kizito Lwanga (ku ddyo) Omusumba Kakooza ne Ssekamanya ( ku kkono) nga baganzika ekimuli ku kifaananyi  ky'omugenzi mu Lutikko e Lubaga.

Paapa akungubagidde Omusumb...

PAAPA Francis akungubagidde Bishop John Baptist Kaggwa n'amwogerako nga munnaddiini abadde tasangika. Paapa yagambye...

Tumukunde (ku ddyo) ng’agezaako okuyita ku baserikale. Oluvannyuma baamugaAnye okweyongerayo ewa Kyagulanyi.

Tumukunde bamugobye ewa Bob...

EGGULO ku Lwokutaano, Omubaka Robert Kyagulanyi Sentamu yabadde ategese okwogera eri eggwanga. Naye ng'ebyo tebinnabaawo,...

Titus Ssematimba eyateebedde Buddu (mu ddyo) ng’atwala omupiira ku muzannyi wa Bulemeezi.

Abaamasaza batolotoomye lwa...

Fayinolo y'Amasaza Gomba - Buddu Egyazannyiddwa ku semi; Busiro 0(4)-0(5) Gomba Bulemeezi 0-1 Buddu OBWAKABAKA...

Bobosi omuzannyi w'omupiira.

'Kye kiseera okwesiga Bobos...

"EKYASINZE okunsanyusa kwe kulaba nga mutabani wange Bobosi Byaruhanga ali ku katebe ka ttiimu y'eggwanga ey'abakulu....