TOP
  • Home
  • Abanoonya
  • Abantu 10,000 baakujjanjabwa mu wiiki y’ebyobulamu e Kyaggwe

Abantu 10,000 baakujjanjabwa mu wiiki y’ebyobulamu e Kyaggwe

Added 14th September 2011

‘Abajapaani bakoppa amagezi  ku bantu ababasinga ate ne bagazzaayo mu nsi yaabwe ne bagassa mu nkola nga bayiiya ebintu eby’enjawulo. Njagala naffe tuyige akakodyo kano, amagezi  ku by’obulamu agali mu mwoleso guno mugakoppe mugazzeeyo mu masaza gammwe gayambe okusitula omutindo gw’ebyobul

‘Abajapaani bakoppa amagezi  ku bantu ababasinga ate ne bagazzaayo mu nsi yaabwe ne bagassa mu nkola nga bayiiya ebintu eby’enjawulo. Njagala naffe tuyige akakodyo kano, amagezi  ku by’obulamu agali mu mwoleso guno mugakoppe mugazzeeyo mu masaza gammwe gayambe okusitula omutindo gw’ebyobulamu mu bwakabaka bwa Buganda,’ Walusimbi bwe yagambye.

Katikkiro yakubirizza Obuganda okutumbula ebyobulamu nga balima emmere emala n’okuyiga endya ey’omulembe, okwejjanjabisa mu bwangu nga bafunye endwadde, ate n’okuwagira abantu abafuddeyo okuyiira eddagala eriva mu miti n’ebintu ebyangu okufuna ng’ emiddo n’ebirime.  Yagambye nti  enkola zino zijja kuyamba abantu okuba abalamu n’okukola emirimu okukulaakulanya ensi yaabwe.

KATIKKIRO yeebazizza abawaddeyo eddagala
Katikkiro yeebazizza kkampuni ya Quality Chemicals eyatonye eddagala eribalirirwamu obukadde bw’ensimbi  10 liyambe okujjanjaba abantu n’okutumbula omutindo gw’ebyobulamu. Kabaka agenda kutongoza omwaka gw’ebyobulamu enkya nga September  16 ku mbuga ya Ssekiboobo mu Kyaggwe.

Ku mukolo guno Ssekiboobo Alex Benjamin Kigongo yategeezezza nti enteekateeka zonna ez’okwaniriza Kabaka ku mikolo gy’oku Lwokutaano  ziwedde n’asaba Obuganda okujja mu bungi okwaniriza Omutanda mu ssanyu.

entegeka y’emikolo
Ssekiboobo yagambye nti Kabaka Ronald Muwenda Mutebi ajja kusimba ejjinja ku ssomero ly’abaana abalondebwa ku nguudo, alambule omwoleso, oluvannyuma alabikeko eri Obuganda ate era abugabule, ate okugabula nga kuwedde alambule ekifo ky’emizannyo ekya Festino Cite, awategekeddwa mmotoka z’empaka, pikipiki, ekigwo ekiganda, empaka z’okuwuga, n’ekivvulu kye nnyimba nga Obuganda bumusanyusa.

Omwoleso gw’ebyobulamu gutegekeddwa obwakabaka bwa Buganda n’ekitingole kya Cultural Root Foundation era gwetabiddwamu  ebitongole by’abalimi n’abalunzi, abasuubuzi, ab’ekitongole ky’ebisolo by’omu nsiko n’amakampuni ag’enjawulo nga gwa kuggalwawo ku Ssande nga September 18.

nabagereka alumbye abakabassanya abawala
Nabagereka  Sylivia Nagginda alumbye  abasajja abakulu abeefunyiridde okuganza abawala abato, n’agamba nti abasinga babazaalamu ng’ate tebalina gye babatwala ne baboonoonera  ebiseera byabwe eby’omu maaso.

Abakyala yabawadde amagezi okwekebeza kkansa w’amabeera ne nnabaana buli kiseera kubanga bifuuse eby’obulabe eri obulamu bwabwe.

Yabadde asomesa abantu  ku ssomero lya Sir Apollo Kaggwa e Kirondo mu Ggombolola y’e Nakisunga, Mukono ku Lwokubiri ng’atongoza wiiki y’ebyobulamu.

Eyakulidde enteekateeka eno Dr. Donald Muguluma yagambye nti bagenda kujjanjaba abantu abasoba mu 10,000 e Nakisunga, Nakifuma, Buikwe ne ku kitebe ky’essaza mu Ggulu e Mukono.

Abantu 10,000 baakujjanjabwa mu wiiki y’ebyobulamu e Kyaggwe

More From The Author

Emboozi z’omuwandiisi endala

Emboozi endala

Omuzannyi wa Villa (ku kkono) n'owa Busoga United nga bagoba omupiira mu gwa liigi ogusembyeyo. Baagwa maliri, 1-1.

VILLA ETUNUZZA OMUDUMU MU UPDF

Leero (Lwamukaaga) mu Liigi (10:00); SC Villa - UPDF, Bombo Onduparaka - Vipers, Arua KCCA - Kitara, Lugogo Bright...

Cheptegei ng'ajaganya.

Likodi za Cheptegei zimweyi...

ENJOGERA egamba nti ‘Katonda nga yaakuwadde, n'ennume ezaala' etuukira bulungi ku muddusi Joshua Cheptegei. Ye...

Ivana Ashaba (mu maaso), owa Hippos ng'alemesa owa Burkina Faso okutuuka ku mupiira.

Hippos eyiseemu kavvu

ENKAMBI ya ttiimu y’eggwanga ey’abatasussa myaka 20 (Hippos), yeeyongeddemu ebbugumu, FUFA bwe baawadde doola 80,000...

Ttakisi mu paaka enkadde.

'Bbeeyi y'entambula esusse'

ABABAKA ba palamenti bennyamivu olw’ebisale by’entambula ebyeyongera okulinnya buli lukya ekinyigiriza abasaabaze....

Fr. Kabagira ne Fr. Mubiru nga baganzika ekimuli ku ntaana ya Ssaabasumba Joseph Kiwanuka mu Eklezia e Lubaga.

Bajjukidde Ssaabasumba Kiwa...

ABAKKIRIZA bajjukidde Ssaabasumba Joseph Nakabaale Kiwanuka eyafa nga February 22, 1966 n’aziikibwa mu Eklezia...