TOP

Aba NATO bakubye Gaddafi bubi nnyo

Added 26th April 2011

Wiikendi ewedde ennyonyi z’abomukago zaatandise okusuula bbomu ku mbiri za Gaddafi mu kibuga Tripoli ku bye bayise ebifo w’aduumirira olutalo kyokka nga mu butuufu baabadde bagenderera kukuba mpuku ze mwe yeekwese n’abaanaba be ne bakyala be ng’ekigendererwa kya kub

Wiikendi ewedde ennyonyi z’abomukago zaatandise okusuula bbomu ku mbiri za Gaddafi mu kibuga Tripoli ku bye bayise ebifo w’aduumirira olutalo kyokka nga mu butuufu baabadde bagenderera kukuba mpuku ze mwe yeekwese n’abaanaba be ne bakyala be ng’ekigendererwa kya kubatta.

Amerika eyabadde yalangirira nti yava mu lutalo ate yakomezzaawo ennyonyi zaayo eziketta eza ‘drones’ eziriko n’emizinga egisobola obulungi okukuba mu bifo ebifunda ennyonyi ennywanyi endala we zaandibadde zirumya abantu baabulijjo.

Minisita wa Bungereza owebyokwerinda   Liam Fox  yawadde Gaddafi amagezi agasembayo ave mangu mu buyinza oba sikyo mufu kubanga kati okusaaga kukomye.

Fox  yategeezezza nti, “Gaddafi bw’aba agaanidde mu buyinza tewali nsonga lwaki aba NATO beemalira obudde nga bawoza “tumumaleko ebyokulwanyisa byalina asobole okuvaako.”

Eggulo Fox yayolekedde Washington ekya Amerika okutokota  mukulu munne bwe bafanaanya emirimu Robert Gates okukola pulaani enkukutivu egenda okuggya Gaddafi mu nsi eno.

Ebitongole by’amawulire omwabadde ne Daily Telegraph byategeezezza nti Fox eyasoose okulayira nti “Gaddafi vva mu buyinza oba sikyo tugenda kukutta”, yagambye nti mu lukiiko lwe yagenzemu mu Amerika yabadde agenda kwanjiza ddala  ensonga y’okussa Col Gaddafi ku bantu NATO beetekeddwa okutta Libya bw’ebeera ya kutereera.

GADDAFI NAYE AWERA

OMU ku batabani ba Gaddafi ategeezezza nti  Gaddafi  eby’okumutiisa okumutta tabitidde tajja kuwanika ali mu Tripoli yeekolera mirimu gye.
Saif al-Islam yategeezezza  nti  bbomu za NATO ze yakubye mu  ddiiro lya Gaddafi ng’erowooza nti mwali zaagifudde busa kubanga Gaddafi  amoga era waali si we wangu okumnala gamutuukako n’olwekyo batwale eri.

Yagambye nti Col Gaddafi yeeyongedde maanyi na busungu ku balumbaganyi era abannyunnyunsi abazze okutabangula Libya.

Gavumenti  ya Gadaffi yategeezezza nti abantu abasoba mu 45 be batuusiddwaako ebisago mu bbomu za NATO ku nkomerero ya wikendi kyokka tebabalaze bamawulire nga bwe babadde batera okukola.

BALEETA EKITEESO

AMERIKA, Bungereza ne Bufalansa zitegeka kuleeta kiteeso ekikkiriza amagye ga NATO ag’oku ttaka okuzinda Libya gawambe Gaddafi kyokka Russia erabudde okusimbira ekkuuli ekiteeso kino.

Minisita wa Russia ow’ensonga Ezebweru Sergie Lavrov yategeezezza nti ekiteeso ekirala kyonna ekinaanyisibwa UN nga kigenderera okutwala olutalo lw’omu Libya mu maaso , Russia ejja kukigaana.

Ab’omukago okuleeta ekiteeso kino kiddiridde okukuba enfo za Gaddafi nga basinziira mu bbanga kyokka nga balaba tebakosezza nnyo magye ge.

Russia y’emu ku mawanga ga kirimaanyi agalina  ebifo ebyenkalakkalira ku kakiiko kano ng’amalala ye Amerika, Bungereza, Bufaransa ne China. Buli ggwanga ku mawanga gano lirina obuyinza okugaana ekiteeso ekiba kiyisiddwa UN era bwe ligaana , ekiteeso tekissibwa mu nkola.

E MISRATA EMMUNDU ETOKOTA

WADDE amagye ga Gaddafi  agamu  gaagumbulukuse mu nfo zaago   wakati mu kibuga Misrata, eggulo gaasibye gawandagaza ebikompola mu kibuga kino ne ku mwalo oguli mu mikono gy’abayeekera. 

Abayeekera baabadde balumbye n’amaanyi nga bakozesa emmundu ezisibiddwa ku mmotoka , ttanka n’abalala nga basonga okuva mu kava zabwe basobole okwongera okuwamba ebitundu ebirimu aba Gaddafi kyokka n’aba Gaddafi baabadde bakyerwanako.

Kyokka mu Misrata wakati, embeera yabadde nsirifu ng’abayeekera bali mu kukonga ntegeka zikubira ddala magye ga Gaddafi.

Ku Mmande ennyonyi za NATO zaayambye abayeekera bwe zaakubye amagye ga Gaddafi agabadde gapanze ebyokulwanyisa okumpi n’ekibuga kino nga gategeka kubanganga.

AMAFUTA GABUZE MU TRIPOLI

AMAFUTA g’emmotoka gafuuse ga kkekkwa mu kibuga kya Libya ekilulu Tripoli era nga ku masundiro agamu layini ziweza obuwanvu bwa kilomita 5.

Libya wadde ggwanga erisima amafuta naye enzizi zaago ezisinga zikubiddwa abayeekera ate eziri mu bitundu ebiri mu mikono gy’abayeekera ne Gaddafi n’azookya.

Abayeekera baakola dda endagaano ne Qatar era nga baatandika okutunda amafuta okugayisa ku mwalo gw’e Benghazi sso nga Gaddafi ye takkirizibwa.
  
YITALE EREESE ENNYONYI 

KATIKKIRO wa  Yitale  Silvio Berlusconi  akkirizza ennyonyi z’eggwanga lye ennwanyi okutandika okutimpula amagye ga Col Gaddafi n’enfo z’ebyokulwanyisa obuteddiza batere bamumale amaanyi agenede.

Yakubidde mukulu munne Barack Obama n’amwanjulira amawulire ago nti  Yitale nayo esazeewo okuwagira aba NATO mu kukuba Col Gaddafi.

Ku nnyonyi Yitale kweyongedde ttanka ezitambulira ku nnyanja ne ku ttanka ezaatandise edda okuva ku mmeeri zaayo ennwanyi nga ziyingira emyalo gya Yitale.

Amagye ga Yitale ag’omu bbanga galina ennyonyi ezisoba mu 500 kyokka nga muno mulimu ennwanyi, ennetissi n’enkessi.

Aba NATO bakubye Gaddafi bubi nnyo

More From The Author

Ow

Emboozi z’omuwandiisi endala

Emboozi endala

Mmotoka ya minisita Atwoki eyakubiddwa amasasi.

Minisita asimattuse amasasi

Minisita omubeezi avunaanyizibwa ku byenfuna mu offiisi y'omumyuka wa Pulezidenti, Dr Baltazar Kasirivu-Atwooki,...

Kiddu (ku kkono) ne munne.

Bannabyamizannyo abattiddwa...

Nga December 30 omwaka oguwedde, abantu abatamanyiddwa baasindiridde Isaac 'Zebra' Senyange, eyaliko kapiteeni...

Sserunjogi ng’alaga ebintu by’atonaatona omuli essaati, ebikopo n’ebirala ebikozesebwa mu kunoonya obululu okusikiriza abalonzi.

Sserunjogi kkampeyini aziko...

AWAGWA ekku tewabula kalondererwa, ekiseera kya kkampeyini bangi bakikozesezza okuyiiya ssente era gubeera mugano...

Ssentebe Andrew Kasatiiro ng'agezaako okunnyonnyola abaatafunye butimba.

Ab'e Jinja Kalooli batabuki...

Abatuuze b'e Jinja Kalooli mu Wakiso beeweereza ebisongovu n'abakulembeze baabwe lwa butabawa butimba bwa nsiri....

Kasibante ku mpingu  ng'akwatiddwa.

Agambibwa okugezaako okufum...

OMUSUUBUZI   aloopye omuvubuka ku poliisi n'amulumiriza  okumuggyiraayo ekiso amufumite abaduukirize ne bamutaasa....