TOP
  • Home
  • Abanoonya
  • Abafumbo batabuse ne bagabana ebintu by’omu nju ku poliisi

Abafumbo batabuse ne bagabana ebintu by’omu nju ku poliisi

Added 13th March 2011

Abafumbo bano ababadde bamaze emyaka 10, okutuuka okusalawo bati,  omukazi yasoose kusangirizza bba ng’atisse entwala yonna ku loole Fuso abulewo.

Omukazi yagenze mu maaso n’amuwendulira poliisi eyawalirizza loole okudda ku poliisi olwo ebintu ne bigabanibwa.

Grace Nakavuma ne bba Wil

Abafumbo bano ababadde bamaze emyaka 10, okutuuka okusalawo bati,  omukazi yasoose kusangirizza bba ng’atisse entwala yonna ku loole Fuso abulewo.

Omukazi yagenze mu maaso n’amuwendulira poliisi eyawalirizza loole okudda ku poliisi olwo ebintu ne bigabanibwa.

Grace Nakavuma ne bba William Draru abatuuze b’e Namugongo Mbalwa be baagabanye ebintu. Nakavuma  ali olubuto wa mpeta ne Draru era balina abaana babiri.

Kigambibwa nti Draru atutte ekiseera ng’avudde mu maka  n’agalekamu Nakavuma olw’obutakkaanya bwe babadde nabwo okutuusa lwe yalabye ng’omukazi abeera amujooze kinene okusigaza enju n’ebintu.

Yamaliridde n’agera omukazi nga yeewunguddeko n’atikka ebintu byonna ng’ayambibwako baganda be ne bakanyama. Kigambibwa baabadde tebannasimbula ne wabaawo atemya ku Nakavuma eyazze ne poliisi.

Loole g’etuusiddwa ku poliisi ensonga zaatuuliddwaamu era ne kisalibwawo bagabane ebintu ebyo ku poliisi. Ebintu  ebyagabaniddwa mwabaddemu emmeeza ya dayiningi n’entebe, amasefuliya, ebitanda, firiigi, entebe ne kalonda yenna akozesebwa mu nnyumba.

Oluvannyuma baatadde emikono ku ndagaano nga buli omu tewali alina kulumbagana munne gy’azze. Omukazi ye yasigazza amaka kyokka omwami n’atwala abaana.

Akulira ensonga z’amaka ku poliisi e Kira, Florence Abenakyo yavumiridde abafumbo okwanika obuzina bwabwe mu lujjudde.
    

Abafumbo batabuse ne bagabana ebintu by’omu nju ku poliisi

More From The Author

Emboozi z’omuwandiisi endala

Emboozi endala

Mukyala Nsegumire nga yeetondera Mboize.

Aba NRM mu Kampala beeyuliz...

Olukiiko olwayitiddwa okutabaganya abeesimbyewo ku kkaadi y’ekibiina kya NRM mu Kampala Central n’abo baamegga...

Mwine Mukono

Mwine alina emisango mu kkooti

OMUBAKA wa munisipaali ya Mityana, Francis Zaake yaloopa DPC Mwine Mukono ne banne okuli RPC Kagarura n’abalala...

Mwine ng'ayogera eri abatuuze b'e Mityana abaali beekalakaasa.

Ebikolobero ebizze birondoo...

ABADDE aduumira Poliisi y’e Mityana, Alex Mwine Mukono eyaduumidde abaakubye ttiyaggaasi mu bannaddiini n’abeekika...

Ssentamu ng'asiiga langi ku ddame.

Bayize okukola ebitimbibwak...

HADIJAH Ssentamu akozesezza ekiseera ky’obulwadde bwa ssennyiga omukambwe okugatta obwongo n’abaako ky’ayiiya....

Ono oluggya yaluteekamu ebitebe abantu we bawummulira.

Engeri gy'osobola okukola s...

Oluggya bwe lusukka mu lumu ziba ziyitibwa empya era ebimu ku byafaayo byalwo mu Uganda lubadde lwakwewunda nga...