TOP

Abantu 44 be baakafa mu kulwana e Somalia

Added 21st November 2010

Omuwendo gw’abafudde mu kulwanagana okwatandise okunyinyitira ku Lwokutaano gulinnye ne gutuuka ku 44 era abasinga ku bano bantu baabulijjo kw’ossa bannalukalala n’abajaasi ba gavumenti ya Somalia abatonotono.

Wakati mu kulwana kuno, omukulu w’ekika eyeebuuzibwako ensonga Sultan Isse Hass

Omuwendo gw’abafudde mu kulwanagana okwatandise okunyinyitira ku Lwokutaano gulinnye ne gutuuka ku 44 era abasinga ku bano bantu baabulijjo kw’ossa bannalukalala n’abajaasi ba gavumenti ya Somalia abatonotono.

Wakati mu kulwana kuno, omukulu w’ekika eyeebuuzibwako ensonga Sultan Isse Hassan Omar yakubiddwa amasasi agaamuttiddewo.

Okulwanagana kuno okwatandikidde  e Mogadishu kwasaasaanidde ebitundu by’eggwanga ebirala omuli Gulgadud n’e Bari mu kitundu ky’e Puntland gye battidde omukulu w’ekika Omar.

Wabula aba al Shabaab beesammudde eby’okutta Omar ne bagamba nti kyandiba nga yattiddwa bazigu.

Abantu abasinga baabattidde ku nkingizzi z’ekibuga Mogadishu oluvannyuma lwa bannalukalala ba al Shabaab okulumba enkambi z’abajaasi ba gavumenti e Hawl-wadag, Hodan n’okuliraana ekisaawe ky’ennyonyi eky’e Aden Adde ate abalala ne babattira e Bakara awali akatale akasinga obunene mu Mogadishu.

Omuduumizi w’amagye ga UPDF ag’oku ttaka Lt. Gen. Katumba Wamala yalambudde enkambi z’amagye amakuumaddembe aga AMISOM n’azzaamu abajaasi amaanyi mu kaweefube gwe baliko okutebenkeza Somalia n’okulinnya abatujju ba al Shabaab ne Hizbul ku nfeete.

Abantu abasukka mu 100 baalumiziddwa olw’ebikompola, amasasi ne bbomu ebyakubiddwa mu kulwanagana kw’oku Lwomukaaga ne ku Ssande era ne batwalibwa mu malwaliro ag’enjawulo nga bali mu mbeera mbi.

Minisita wa Somalia, Muhammed Abdullahi Omar yagambye nti aba al Shabaab be basse abantu baabulijjo bwe baabadde bagezaako okulumbagana enkambi z’abajaasi ba gavumenti.

Kyokka aba al Shabaab beewaanye nti okulumba kwabwe tekwagudde butaka kubanga nti baasobodde okuwamba ebitundu ebisinga obunene mu Galgudud mu massekkati ga Somalia.

Sheikh Abdiazis Abu Musab omwogezi wa al Shabaab mu Galgudud yagambye nti baawambye emiruka okuli Wardumale ne Tulo-oman.

 

 

Abantu 44 be baakafa mu kulwana e Somalia

More From The Author

Emboozi z’omuwandiisi endala

Emboozi endala

Kalenda okuli ebifaananyi bya Yiga

Olumbe lwa Pasita Yiga balu...

Mu lumbe lwa pasita Yiga abatunda eby'okulya, masiki n'abatunda t-shirt okuli ekifaananyi ky'omugenzi bali mu keetalo...

Paasita Yiga ng'ali n'abagoberezi be

Ebintu by'azze apanga okufu...

OMU ku baali abakubi b’endongo mu Revival Band yagambye nti, yagyegattako mu 2014 kyokka nga baalina ekizibu ky’okuba...

Pasita Yiga ng’abuulira enjiri.

Engeri Yiga gye yeeyubula o...

AUGUSTINE Yiga ‘Abizzaayo', yazaalibwa mu maka maavu, n'alaba embaawo nnya zokka, tebyamulobera kwetetenkanya kufuuka...

Mondo Mugisha ng’ayogera eri abaamawulire. Emabega be bakanyama abassiddwa ku kkanisa okukuuma. Tunuza kkamera y’essimu yo mu kalambe olabe vidiyo.

Pasita Ssenyonga mumuboole ...

Omusumba Mondo Mugisha y’omu ku bakungubazi abeetabye mu kukungubira Paasita Yiga Abizzaayo e Kawaala. Mu butaluma...

Kayanja ng'ali mu situdiyo ye.

Wuuno 'mutabani wa Nabbi Ka...

JOB Kayanja y’omu ku ba pulodyusa abeekoledde erinnya. Wadde abayimbi tebakyakola olw’omuggalo gwa ssennyiga omukambwe,...