TOP
  • Home
  • Abanoonya
  • Aba Al Shabaab bakubye ebikompola mu Palamenti ya Somalia

Aba Al Shabaab bakubye ebikompola mu Palamenti ya Somalia

Added 27th September 2010

Omwezi oguwedde abatujju ba al Shabaab baalumba Palamenti ne basasira amasasi mu bakaka awamu n’okwetulisizaako bbomu era okukakkana ng’ababaka musanvu tebalutonza.

Kyokka ku luno olwatandise okukola ennumba amagye ga gavumenti agayambibwako aga UPDF n’aga Burundi gaabanguyidde ne gabaanuku

Omwezi oguwedde abatujju ba al Shabaab baalumba Palamenti ne basasira amasasi mu bakaka awamu n’okwetulisizaako bbomu era okukakkana ng’ababaka musanvu tebalutonza.

Kyokka ku luno olwatandise okukola ennumba amagye ga gavumenti agayambibwako aga UPDF n’aga Burundi gaabanguyidde ne gabaanukula n’emmundu ez’amaanyi ne badduka nga kirowoozebwa nti n’abamu baalufiiriddemu.

Al Shabaab bongedde okwolesa obutemu bwe basindise abatujju okulumba Kenya bagitulisizeeko bbomu, ekiwalirizza gavumenti ya Pulezidenti Mwai Kibaki okuyiwa abajaasi ku nsalo ya Kenya ne Somalia.

Kenya olwategedde ku lukwe luno n’ekola ekikwekweto mwe yakwatidde Abasomali 34 abaayingidde ekibuga Nairobi mu ngeri emenya amateeka nga kiteeberezebwa nti ku bano kuliko abaabadde bagenda okukolagana n’abatujju okutulisa bbomu.

Omukungu wa poliisi mu kitundu ky’e Girissa e Kenya yagambye nti baayiye amagye ne poliisi ku nsalo ya Kenya ne Somalia e Girissa oluvannyuma lw’okugwa mu lukwe olwabadde lukoleddwa bannalukalala ba al Shabaab nga bayambibwako al Qaeda okukola obulumbaganyi mu kibuga Nairobi ekya Kenya.

Abaakwatiddwa bonna baakuvunaanirwa mu kkooti y’oku nsalo e Girissa.

Mu 1998 abatujju ba al Qeada abakulemberwa Osama bin Laden baatega bbomu ku kitebe kya Amerika mu Kenya ne zitta abantu abasoba mu 200 ng’abasinga Bannakenya.

Bbomu nzino zaategebwa mu kiseera ky’ekimu n’ey’e Tanzania eyatta abantu 12.

Obulumbaganyi obwakoleddwa ku Palamenti  busiikudde gavumenti ya Pulezidenti Sherif Ahmed n’erangirira nga bw’etegese okukuba ebibondo omuli abatujju.

Gavana Ali Mohamud Adow yagambye nti abakungu ba gavumenti ey’ekiseera baatudde mu ne basalawo okulumba enfo za bannalukalala zonna mu kitundu ky’e Hiran n’amassekkati ga Shabelle.

Bino okugwawo ku Ssande ennyonyi ya nnamunkanga egambibwa nti yabuuse ku mmeeri mu Liyanja lya Buyindi yasaanyizzaawo ennyumba  bakamanda ba al Shabaab mwe baabadde bateesezza mu bukiikaddyo bwa Mogadishu.

Aba al Shabaab beewaanye nti ennyionyi yagenze okusaanyaawo enju eno nga bakamanda baayo bavuddemu kyokka yagaanyi bannamawulire okukuba ebifaananyi.

Aba Al Shabaab bakubye ebikompola mu Palamenti ya Somalia

More From The Author

Emboozi z’omuwandiisi endala

Emboozi endala

RDC Kirabira ne ssentebe Matia Bwanika nga batema ddansi. EBIFAANANYI BYA PETER SSAAVA

CAO wa Wakiso atabaganyizza...

Akabaga kano akaabaddewo ku Lwokuna ku Maya Nature resort mu ggombolola y'e Nsangi e Wakiso, keetabiddwaako abakulira...

Omugenzi Sgt. Dick Magala

Abapoliisi abaafiiridde mu ...

GIBADDE miranga na kwazirana ku kitebe ky’ekitongole kya poliisi ekinoonyereza ku buzzi bw’emisango (CID) e Kibuli...

Ebimu ku bibala ebitwalibwa ebweru. Mu katono ye Kanyije.

Abatwala ebirime ebweru bee...

Abat wala ebirime ebweru w’eggwanga beemulugunya ku buseere bw’entambula y’ennyonyi ez’emigugu ng’ebisale byalinnyisibwa...

Ssentebe wa Luwafu B, Iga Gonzaga ng’annyonnyola abamu ku batuuze be ebyavudde mu kkooti.

Kkooti eyimirizza NEMA okug...

ABATUUZE b’e Kansanga abasoba mu 300 bafunye ku buweerero Kkooti Enkulu bw’efulumizza ekiragiro ekigaana ekitongole...

Abamu ku baffamire mu maka ga Maj. Mukasa e Kagoma.

Munnamagye eyayambako okule...

MUNNAMAGYE omulala, Maj. Gen. Eric Mukasa 60, eyakuba emmundu okuwamba enkambi y’e Kaweeweeta mu lutalo olwaleeta...