TOP

Minisita asanze omusawo mu ssabo

Added 2nd September 2009

Minisita yasoose kulagira Nsobya akwatibwe aggalirwe mu kkomera olw’obulagajjavu kyokka abakungu ba disitulikiti y’e Mpigi ne bamuwooyawooya amuddiremu.

Ate abasawo bonna 17 mu ddwaaliro ly’e Mityana, bakyusiddwa oluvannyuma lw’okulagajjalira omukazi woolubuto n’afa ng’azaala.

Minisita yasoose kulagira Nsobya akwatibwe aggalirwe mu kkomera olw’obulagajjavu kyokka abakungu ba disitulikiti y’e Mpigi ne bamuwooyawooya amuddiremu.

Ate abasawo bonna 17 mu ddwaaliro ly’e Mityana, bakyusiddwa oluvannyuma lw’okulagajjalira omukazi woolubuto n’afa ng’azaala.
Eggulo Minisita Malinga yagenze e Kammengo-Mpigi okulambula ebitundu omwafudde abantu nga kigambibwa nti walagi ye yabasse. Yasoose mu ddwaaliro lya Gavumenti e Butoolo, we yasanze ng’abasawo  tebaliiwo okuggyako omujjanjabi Deziranta Nagawa Kiwanuka yekka.

Minisita yasabye Nagawa essimu ya Nsobya n’amukubira. Nsobya yazze ne yeewozaako nti nnyina yabadde mulwadde nga obutabaawo yabadde amututte mu ddwaaliro Kampala.

Minisita kwe kubuuza: ddwaaliro ki? Ko Nsobya nti lya bwannannyini. Minisita n’agattako: linnya emmotoka yange tugende ontwaleyo.

Wano Nsobya kwe kugamba: ekituufu mbadde mmututte mu ssabo kubanga olumbe olumuluma luganda.

Minisita: Onswazizza nnyo ggwe omusajja omuyivu akulira eddwaaliro okusalawo okutwala nnyoko mu ssabo mu kifo ky’okumuleeta mu ddwaaliro n’omujjanjaba.

Kwe kulagira poliisi: Nsobya mumukwate mu-musibe. Kyokka omumyuka w’akulira abakozi era mu-wala wa Nsobya, Jesca Nda-gire ng’ali n’omumyuka wa Ssentebe w’e Mpigi, Frank Kawooya beegayiridde minisita asonyiwe Nsobya.

Mu kiseera kino abasawo baabadde bakomyewo n’a-bagugumbula olw’obulagajjavu n’abalabula nti abadde asazeewo kubasiba kyokka abawaddeyo omukisa beddeko bwe bataakikole alyo-ke abasibe n’okubagoba.

Yagenze ku byalo Bukabi, Kasozi ne Masaazi ebiri mu muluka Musa awaafudde abantu olw’okunywa walagi alimu obutwa. Abatuuze baakung’anyizza obuveera bw’ebika bya walagi ebyenjawulo ne babumulaga, Minisita ne yeewuunya nnyo amaanyi abatuuze ge bamalidde mu walagi ate nga n’ebika bye baamulaze ebimu tabiwulirangako.

Walagi kuliko African  Gin, Zed, Ruwenzori Gin, Viva, Royal Vodka, Planet, Prince Vodka, Empire n’ebirala.

Yayogedde n’abalwadde bana abaakasiibulwa bonna abakkirizza nti kituufu baanywa ku walagi.

Minisita yabadde n’aba-kugu okuva mu kitongole ky’Ebyobulamu (WHO) aba Uganda National Bureau of Standards n’aba minisitule y’Ebyobulamu.

Minisita asanze omusawo mu ssabo

More From The Author

Emboozi z’omuwandiisi endala

Emboozi endala

Abaserikale abaabadde balawuna ekitundu.

Okulonda e Njeru tekujjumbi...

Okulonda mu mu munisipaali y'e Njeru kusoose kutaataaganyizibwa nkuba ekedde okufuddemba era abalonzi obwedda baamuswaba...

Abawagizi ba NUP nga bakulisa Zaituni maama wa Nsubuga.

Owa NUP gwe baasiba mu kkom...

Muhamad Nsubuga owa NUP eyakwatibwa gye buvuddeko n’atwalibwa mu kkomera e Kitalya awangudde obwa kansala. Bazadde...

Emmanuel Sserunjogi ng'akuba akalulu.

Abakadde bajjumbidde okulon...

ENKUBA yataataaganyizza okulonda e Kawempe ekyawalirizza okusengula ebikozesebwa okulonda okubiteeka mu bifo ebirala....

Abantu nga basitudde Kibirango eyawangudde obwassentebe.

NUP yeeriisizza nkuuli e Lu...

EKIBIINA kya NUP kyongedde okweriisa enkuuli mu kulonda kwa gavumenti ez’ebitundu mu kitundu ky’e Luweero nga ku...

Lumu eyakubiddwa.

Avuganya ku bwakansala bamu...

JOE Lumu avuganya ku bwakansala bw'omuluka gwa Makerere 1 e Kawempe bamukubye ne bamwasa emimwa n'okumunyagako...